ଜଗତସିଂହପୁର: ଜିଲ୍ଲାର ମୁଖ୍ୟ ସହର ଏବେ ଧଳା ଜହର ହବରେ ପରିଣତ ହୋଇଛି । ଗୋପାଳ ସାଗରଠାରୁ ଆରମ୍ଭ କରି ଲାଲାସାହି ଓ ରାଧିକା ଟକିଜ ନିକଟରେ ଖୁଲମ ଖୋଲା ଧଳା ଜହର କାରବାର ହେଉଛି । ପୋଲିସ ଶନିବାର ଚଢାଉ କରି 2 ଲକ୍ଷ ମୂଲ୍ୟର ବ୍ରାଉନ ସୁଗାର ଜବତ କରିବା ସହ 2 ଜଣଙ୍କୁ ଗିରଫ କରିଛି ।
ଜଗତସିଂହପୁର ସହର ଏକ ଶାନ୍ତିପ୍ରିୟ ସହର ହୋଇଥିବା ବେଳେ ଧଳା ଜହର ସହରକୁ ଅଶାନ୍ତ କରିଛି । ଗୋପାଳ ସାଗରଠାରୁ ଆରମ୍ଭ କରି ଲାଲାସାହି ଓ ରାଧିକା ଟକିଜ ନିକଟରେ ଖୁଲମ ଖୋଲା ଧଳା ଜହର କାରବାର ହେଉଛି । ପାଞ୍ଚଶହ କି ହଜାର ନୁହେଁ ଲକ୍ଷାଧିକ ଟଙ୍କାର କାରବାର ପ୍ରତ୍ୟେକ ଦିନ ଏଠାରେ ଚାଲୁଛି । ଯାହାକୁ ନେଇ ସହରରେ ଡକାୟତି ଓ ରାହାଜାନୀ ହତ୍ୟା ଭଳି ଘଟଣା ଦେହସୁହା ହୋଇଥିବା ବେଳେ ବୁଦ୍ଧିଜୀବୀ ମହଲରେ କ୍ଷୋଭ ପ୍ରକାଶ ପାଇଛି ।
ବିଶେଷ ସୂତ୍ରରୁ ଖବର ପାଇ ଗତ ଶନିବାର ସନ୍ଧ୍ୟାରେ ଜଗତସିଂହପୁର ପୋଲିସ ପକ୍ଷରୁ ସହରର ଲାଲାସାହି ଅଂଚଳରେ ଚଢ଼ାଉ କରାଯାଇ 2 ବ୍ରାଉନସୁଗାର ବ୍ୟବସାୟୀଙ୍କୁ ଧରିବା ସହ ସେମାନଙ୍କ ନିକଟରୁ ଦୁଇ ଲକ୍ଷ 10 ହଜାର ଟଙ୍କା ଜବତ କରାଯାଇଛି । ଏହାସହିତ ସେମାନଙ୍କ ନିକଟରୁ 710 ଗ୍ରାମର ବ୍ରାଉନସୁଗାର ଜବତ କରାଯାଇଛି। ପୋଲିସ 2 ଅଭିଯୁକ୍ତଙ୍କୁ ଥାନାରେ ଅଟକ ରଖି ତଦନ୍ତ ଆରମ୍ଭ କରିଛି।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
