ଭଞ୍ଜନଗର: କୁହୁଳୁଛି ଓଏସଆରଟିସି କର୍ମଚାରୀଙ୍କ ଅସନ୍ତୋଷର ନିଆଁ । କର୍ମଚାରୀଙ୍କ ଧାରଣା ଆଜିକୁ ଦଶମ ଦିନରେ ପହଞ୍ଚିଥିବା ବେଳେ ଆଜି ଗଞ୍ଜାମ ଜିଲ୍ଲା ଭଞ୍ଜନଗରରେ 12 ଘଣ୍ଟିଆ ବନ୍ଦ ପାଳନ କରାଯାଇଛି । ବନ୍ଦ ଡାକରା ଭଞ୍ଜନଗର ମିଳିତ କାର୍ଯ୍ୟାନୁଷ୍ଠାନ ପକ୍ଷରୁ ଦିଆଯାଇଥିଲା ।
ଭିଡିଓ ସୌଜନ୍ୟ: ପ୍ରତିନିଧି, ଭଞ୍ଜନଗର
ବନ୍ଦ ଯୋଗୁଁ ଜିଲ୍ଲାରେ ଯାତାୟତ ବ୍ୟବସ୍ଥା ସମ୍ପୂର୍ଣ୍ଣ ଠପ୍ । ବସ ଚଳାଚଳ ବନ୍ଦ ଥିବା ବେଳେ ଦୋକାନ ବଜାର ସରକାରୀ କାର୍ଯ୍ୟାଳୟ ମଧ୍ୟ ବନ୍ଦ ରହିଥିଲା । ଏଥିପାଇଁ ସାଧାରଣ ଜନତା ନାହିଁ ନଥିବା ହଇରାଣ ହୋଇଥିଲେ ।
ତେବେ ଓଏସଆରଟିସିର ଅସ୍ଥାୟୀ କର୍ମଚାରୀଙ୍କ ସାତ ମାସର ବକେୟା ଦରମାକୁ ପ୍ରତିବାଦ କରି ମିଳିତ କାର୍ଯ୍ୟାନୁଷ୍ଠାନ ଏହି ବନ୍ଦ ପାଳନ କରୁଛି । ଏଥିରେ ସହରର ସବୁ ସଙ୍ଗଠନର ସହଯୋଗ ରହିଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
