ବ୍ରହ୍ମପୁର: ଦୁଇଟି ପୃଥକ ସଡକ ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ ଘଟିଥିବା ବେଳେ 5 ଜଣ ଗୁରୁତର ଆହତ ହୋଇଛନ୍ତି । ଏହି ଦୁର୍ଘଟଣା ଗଞ୍ଜାମ ଜିଲ୍ଲା ହିଞ୍ଜିଳି ଥାନା ଅଞ୍ଚଳରେ ଘଟିଛି ।
ସୂଚନା ଅନୁଯାୟୀ, ଶୁକ୍ରବାର ହିଞ୍ଜିଳି ଅଞ୍ଚଳର ସାରୁ ଛକ ନିକଟରେ ଏକ ବାଇକ ସହ ସ୍କୁଟି ଧକ୍କା ହୋଇଥିଲା । ଯେଉଁଥିରେ ଜଣଙ୍କର ମୃତ୍ୟୁ ଘଟିଥିବା ବେଳେ ତିନି ଜଣ ଗୁରୁତର ଆହତ ହୋଇଥିବା ଜଣାଯାଇଛି । ମୃତକ ଜଣକ ଗୋପାଳପୁର ଥାନା ଅଞ୍ଚଳର ମହେଶ ଦାସ ବୋଲି ଜଣାଯାଇଛି।
ସେହିପରି ହିଞ୍ଜିଳି ଥାନା ଗଣ୍ଡଳା ଛକ ନିକଟରେ ଟ୍ରାକ୍ଟର ସହ ଏକ ବାଇକ ଧକ୍କାରେ ଜଣଙ୍କର ମୃତ୍ୟୁ ଘଟିଥିବା ବେଳେ ଦୁଇ ଜଣ ଗୁରୁତର ଆହତ ହୋଇଛନ୍ତି । ମୃତକ ଜଣକ ଗଣ୍ଡଳା ଗ୍ରାମର ଶିବରାମ ବେହେରା ବୋଲି ଜଣାଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
