ଭଞ୍ଜନଗର: ଟ୍ରକ ଦୁର୍ଘଟଣାଗ୍ରସ୍ତ ହୋଇ 30ରୁ ଊର୍ଦ୍ଧ୍ବ ଆହତ । ଗଞ୍ଜାମ ଜିଲ୍ଲା ବଡଗଡ ଥାନା ଗୌଡଗୋଠ ରାସ୍ତାର ହରଭଗିଂ କେନାଲ ରୋଡରେ ଏକ ଟ୍ରକ ଦୁର୍ଘଟଣାଗ୍ରସ୍ତ ହୋଇଛି ।
ଏହି ଦୁର୍ଘଟଣାରେ ଗୌଡଗୋଠ ବାଲିପଦର ଅଞ୍ଚଳର ପ୍ରାୟ 30ରୁ ଅଧିକ ଆହତ ହୋଇଥିବାବେଳ ସ୍ଥାନୀୟ ଲୋକଙ୍କ ସାହାଯ୍ୟରେ ଆହତଙ୍କୁ ଉଦ୍ଧାର କରି ବଡଗଡ ମେଡିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।
କେନାଲ ରୋଡରେ ଟ୍ରକ ଦୁର୍ଘଟଣାଗ୍ରସ୍ତ
ତେବେ ମିଳିଥିବା ସୂଚନା ଅନୁସାରେ, କିଛି ଲୋକଙ୍କୁ ଧରି ଟ୍ରକଟି ଯାଉଥିବାବେଳେ ଏହି ଦୁର୍ଘଟଣା ଘଟିଛି । ପୋଲିସ ଗାଡିକୁ ଜବତ କରି ଘଟଣାର ତଦନ୍ତ ଆରମ୍ଭ କରିଛି ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
