ବ୍ରହ୍ମପୁର: ଗଞ୍ଜାମ ଜିଲ୍ଲାର ଛତ୍ରପୁର ଥାନା ପୋଲିସକୁ ମିଳିଛି ପୁଣି ଏକ ସଫଳତା । କିଛିଦିନ ଧରି ସ୍ଥାନୀୟ ଅଞ୍ଚଳରେ ବାଇକ ଚୋରି କରୁଥିବା ଏକ ଗ୍ୟାଙ୍ଗର 4 ଅଭିଯୁକ୍ତଙ୍କୁ ଗିରଫ କରିବାରେ ସକ୍ଷମ ହୋଇଛି ପୋଲିସ । ଏଥି ସହ 9 ଟି ଚୋରା ମୋଟର ସାଇକେଲକୁ ମଧ୍ୟ ଜବତ କରିଛି ପୋଲିସ ।ଗିରଫ ଅଭିଯୁକ୍ତ ମାନେ ହେଲେ ଛତ୍ରପୁର ଥାନା ଅଞ୍ଚଳର ପପୁ ହାତି, ସୁରଜ ଖୁଣ୍ଟିଆ, ଅଜିତ ବେହେରା ଓ ରବି ନାରାୟଣ ଖୁଣ୍ଟିଆ ।ଗିରଫ ଅଭିଯୁକ୍ତ ମାନେ ପୁର୍ବରୁ ଦୁଇଟି ମାମଲାର ସଂପୃକ୍ତ ଥିବା କହିଛି ପୋଲିସ ।
ପୋଲିସ ପଞ୍ଝାରେ ବାଇକ୍ 4 ବାଇକ ଲୁଟେରା , ୯ ବାଇକ୍ ଜବତ
ମୁଖ୍ୟତଃ ଏହି ଗିରଫ ଅଭିଯୁକ୍ତ ମାନେ ଗାଡି ଚୋରି କରିବା ପରେ ସେହି ଗାଡିର ନମ୍ବର ଓ ବିଭିନ୍ନ ଗୁରୁତ୍ବପୂର୍ଣ୍ଣ ଅଂଶକୁ ବଦଳାଇ ବାଇକ ଗୁଡିକୁ ଅନ୍ୟତ୍ର ବିକ୍ରି କରୁଥିବା ଛତ୍ରପୁର ଥାନା ଅଧିକାରୀ ପ୍ରିୟସ ରଞ୍ଜନ ଛୋଟରାୟ ସୂଚନା ଦେଇଛନ୍ତି। ଏହି ଘଟଣା ପରେ 4 ଅଭିଯୁକ୍ତଙ୍କୁ ଅଧିକ ପଚରାଉଚପରା କରୁଛି ପୋଲିସ ।
ବ୍ରହ୍ମପୁରରୁ ସମୀର ଆଚାର୍ଯ୍ୟ , ଇଟିଭି ଭାରତ
