ବ୍ରହ୍ମପୁର: କେରଳରେ ହାତୀ ମୃତ୍ୟୁ ଘଟଣାକୁ ନେଇ ସ୍ୟାଣ୍ଡ ଆନିମେସନ୍ ମାଧ୍ୟମରେ ନିନ୍ଦା କରି ବାର୍ତ୍ତା ଦେଲ ବାଲୁକା ଶିଳ୍ପୀ ସତ୍ୟ ମହାରଣା ।
କେରଳରେ ହାତୀ ମୃତ୍ୟୁ ଘଟଣାକୁ ନେଇ ସମଗ୍ର ଦେଶରେ ବିଭିନ୍ନ ମହଲରେ ନିନ୍ଦା କରାଯାଉଥିବା ବେଳେ ଏହାକୁ ସ୍ୟାଣ୍ଡ ଆନିମେସନ୍ ମାଧ୍ୟମରେ ନିନ୍ଦା କରି ବାର୍ତ୍ତା ଦେଲେ ବ୍ରହ୍ମପୁରର ଯୁବ ବାଲୁକା ଶିଳ୍ପୀ ସତ୍ୟ ମହାରଣା । ଜଙ୍ଗଲର ବୁଲୁଥିବା ଜଣେ ଗର୍ଭଣୀ ହାତୀକୁ ବିସ୍ଫୋରକ ଭର୍ତ୍ତି ସପୁରୀ ଖାଇବାକୁ ଦିଆଯିବା ପରେ ଏହା ହାତୀର ପାଟିରେ ଫାଟି ଯାଇଥିଲା ଫଳରେ ତିନିଦିନ ଧରି ହାତୀଟି ପାଣିରେ ଛିଡା ହୋଇରହିଥିଲା ଓ ଶେଷରେ ଯନ୍ତ୍ରଣାରେ ଛଟପଟ ହୋଇ ତାର ମୃତ୍ୟୁ ହୋଇଥିଲା ।
ମାନବିକତା ମରି ଯାଇଥିବା ଏହି ଘଟଣାକୁ ନିଜ ବାଲୁକା କଳା ମାଧ୍ୟମରେ ନିନ୍ଦା କରିଛନ୍ତି ବ୍ରହ୍ମପୁରର ଶିଳ୍ପୀ ସତ୍ୟ ମହାରଣା ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
