ଗଞ୍ଜାମରେ ବଜ୍ରପାତ ଯୋଗୁଁ ଜଣେ ମୃତ

ସୋମବାର ସନ୍ଧ୍ୟାରେ ପ୍ରବଳ ଘଡଘଡି ସହ ବର୍ଷା ପବନ ହୋଇଥିବାବେଳେ କବିସୂର୍ଯ୍ୟନଗର ପାଇକ ଜମୁନା ଗାଁ ଧୋବା ସାହିରେ ବଜ୍ରପାତ ଘଟି ଜଣଙ୍କ ମୃତ୍ୟୁ ହୋଇଛି ।

ଭଞ୍ଜନଗର: ଜିଲ୍ଲାର ବିଭିନ୍ନ ଅଞ୍ଚଳରେ ସୋମବାର ସନ୍ଧ୍ୟାରେ ପ୍ରବଳ ଘଡଘଡି ସହ ବର୍ଷା ପବନ ହୋଇଥିବାବେଳେ କବିସୂର୍ଯ୍ୟନଗର ପାଇକ ଜମୁନା ଗାଁ ଧୋବା ସାହିରେ ବଜ୍ରପାତ ଘଟି ଜଣଙ୍କ ମୃତ୍ୟୁ ହୋଇଛି । ସେପରି ଅନ୍ୟଜଣେ ଗୁରୁତର ଆହତ ହୋଇ କବିସୂର୍ଯ୍ୟନଗର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି ହୋଇଥିବା ଜଣାପଡିଛି ।

ତେବେ ମୃତ ଯୁବକ ଜଣକ ସେହି ଗାଁର ବଳିଆ ଗୌଡ ବୋଲି ଜଣାପଡିଥିବା ବେଳେ ନିଜ ଜମିରେ କାମ କରୁଥିବା ବେଳେ ବଜ୍ରପାତ ଘଟିଥିବା ଜଣାପଡିଛି ।

ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ