ଗାଈ ଚରାଉଥିବା ବେଳେ ମାରିଲା ବିଜୁଳି, ଚାଲିଗଲା ଜୀବନ

ଗଞ୍ଜାମ ଜିଲ୍ଲାର ଗୋବିନ୍ଦପୁର ଗ୍ରାମରେ କାଳବୈଶାଖିର ପ୍ରଭାବ । ଗାଈ ଚରାଉଥିବା ବେଳେ ମାରିଲା ବିଜୁଳି । ଜଣେ ମୃତ । ଅଧିକ ପଢନ୍ତୁ

ଭଞ୍ଜନଗର: ବଜ୍ରାଘାତରେ ଜଣକର ମୃତ୍ୟୁ ଘଟିଛି । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ସୋରଡା ଥାନା ଗୋବିନ୍ଦପୁର ଗ୍ରାମରେ । ମୃତ ବ୍ୟକ୍ତି ହେଲେ ମୁରଲୀ ପାତ୍ର ।

ସୂଚନାଅନୁସାରେ, ମୁରଲୀ ପାତ୍ର ଗାଈ ଚରାଉଥିବା ସମୟରେ ହଠାତ ବିଜୁଳି ଘଡଘଡି ସହ ବର୍ଷା ହୋଇଥିଲା । ଆଉ ଏହି ସମୟରେ ବଜ୍ରାଘାତ ଘଟି ଘଟଣାସ୍ଥଳରେ ମୁରଲୀ ଟଳିପଡିବା ସହ ଗାଈଟିର ମଧ୍ୟ ମୃତ ହୋଇଥିଲା । ଗ୍ରାମବାସୀ ମୁରଲୀଙ୍କୁ ସଙ୍ଗେ ସଙ୍ଗେ ନିକଟରେ ଥିବା ଖତଗଦାରେ ପୋତିଦେଲେ ।

ପରେ ଖବର ପାଇ ଅଗ୍ନିଶମ ବାହିନୀ ଗ୍ରାମକୁ ଯାଇ ଖତଗଦାରୁ ମୁରଲୀକୁ ଉଠାଇ ଆଣି ସୋରଡା ମେଡିକାଲରେ ଭର୍ତ୍ତି କରିଥିଲେ କିନ୍ତୁ ମେଡିକାଲରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଅନ୍ଧ ବିଶ୍ଵାସୀ ନହୋଇ ମୁରଲୀକୁ ଉଦ୍ଧାର କରି ଲୋକମାନେ ଖତଗଦାରେ ନପୋତି ମେଡିକାଲ ନେଇଥିଲେ ହୁଏତ ଜୀବନ ବଞ୍ଚିଯାଇଥାନ୍ତା l

ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ