ଭଞ୍ଜନଗର: ତରସିଙ୍ଗି ଥାନା ଅନ୍ତର୍ଗତ କିରିଆମ୍ବା ଜଙ୍ଗଲରୁ ହାଡ ଖପୁରୀ ଜବତ କରାଯାଇଛି । ଏହି ହାଡ ଖପୁରୀ ଜଣେ ମହିଳାଙ୍କ । ବୁଗୁଡା ଅଞ୍ଚଳର ପାଣିକେଶର ଗ୍ରାମର ଶୁଭଶ୍ରୀ ଗୌଡ ବୋଲି ତଦନ୍ତରୁ ଜଣାପଡିଛି ।
ଭିିଡିଓ ସୌଜନ୍ୟ: ପ୍ରତିନିଧି, ଭଞ୍ଜନଗର
କିଛିଦିନ ତଳେ ଭଗବାନପୁର ଗ୍ରାମର ଶରତ ଗୌଡ଼ଙ୍କୁ ବିବାହ କରିଥିଲେ ହେଲେ ଶୁଭଶ୍ରୀ, ନିଖୋଜ ଥିବା କଥା ଶୁଭଶ୍ରୀଙ୍କ ପରିବାର ବୁଗୁଡା ଥାନାରେ ଅଭିଯୋଗ ଆଣିଥିଲେ । ଏନେଇ ପୋଲିସ ଶରତକୁ ଥାନାକୁ ଆଣି ପଚରା ଉଚରା କରିବା ପରେ ଶୁଭଶ୍ରୀଙ୍କ ହତ୍ୟା ହୋଇଛି ଓ ନିଜେ ସ୍ବାମୀ ଶରତ ହିଁ ହତ୍ୟା କରିଛନ୍ତି ବୋଲି ସାମ୍ନାକୁ ଆସିଥିଲା । ଏହାପରେ ଶରତ, ଶୁଭଶ୍ରୀଙ୍କ ଶବକୁ ପୋତି ଦେଇଥିଲା ।
ପୋତିଥିବା ସ୍ଥାନକୁ ଯାଇ ପୋଲିସ ହାଡ, ଖପୁରୀ ଜବତ କରିବା ସହ ଶରତକୁ ଅଟକ ରଖି ତଦନ୍ତ ଚଲାଇଛି । ତେବେ ଏ ଅଞ୍ଚଳରୁ ବାରମ୍ବାର ଶବ ମିଳୁଥିବାରୁ ଅଞ୍ଚଳବାସୀ ଏହାକୁ ନିନ୍ଦା କରିଛନ୍ତି । ଅନ୍ୟପକ୍ଷେ ହତ୍ୟାର କାରଣ ଅସ୍ପଷ୍ଟ ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
