ଭଞ୍ଜନଗର: ସାରା ଜିଲ୍ଲାରେ ଏବେ କୋରୋନା ଅ।କ୍ରାନ୍ତଙ୍କ ସଂଖ୍ୟା ବଢିବାକୁ ଲାଗିଥିବା ବେଳେ କୋରୋନାକୁ ନେଇ ବର୍ତ୍ତମାନ ଗଂଜାମ ଜିଲ୍ଲା ଚର୍ଚ୍ଚାର ବିଷୟ ପାଲିଟିଛି । ଏମିତି କି ଜିଲ୍ଲାରେ ଏବେ କୋରୋନା ଅ।କ୍ରାନ୍ତଙ୍କ ସଂଖ୍ୟା ଦୁଇ ଶହ ଟପିଲାଣି । ଏପଟେ ଜିଲ୍ଲାରେ ଚାରୋଟି କୋଭିଟ -19 ମେଡିକାଲ କାମ ଚାଲୁଥିବା ବେଳେ ଆଜି ପୁଣି ଆସିକା ବାବନପୁର ଠାରେ ଥିବା ଆଞ୍ଚଳିକ କୁଷ୍ଠ ପ୍ରଶିକ୍ଷଣ ଏବଂ ଅନୁସନ୍ଧାନ ସଂସ୍ଥାର କୋଠା ବୁଲି ଦେଖିଛନ୍ତି ଜିଲ୍ଲାପାଳ ।
କୋଭିଡ ମେଡିକାଲ ପରିଦର୍ଶନ କଲେ ଗଞ୍ଜାମ ଜିଲ୍ଲାପାଳ
ସେହିଭଳି ଭଂଜନଗର ଉପେନ୍ଦ୍ର ଭଞ୍ଜ ବିଦ୍ୟାଳୟରେ ଥିବା ୬୦ ସଜ୍ୟା ବିଶିଷ୍ଠ ଛାତ୍ର ନିବାସ ଏବଂ ୪୦ ସଜ୍ୟା ବିଶିଷ୍ଠ ସିଟି କଲେଜରେ ଥିବା ଛାତ୍ରୀ ନିବାସରେ ଅସ୍ଥାୟୀ କୋଭିଡ ମେଡ଼ିକାଲ ବୁଲି ଦେଖିଛନ୍ତି ଗଂଜାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ । ଏହା ସହ ଖୁବ ଶିଘ୍ର ଏଠାରେ କୋଭିଟ-19 ମେଡିକାଲ ହେବାର ବ୍ୟବସ୍ଥା ଗ୍ରହଣ କରାଯାଉଛି ବୋଲି ସୂଚନା ଦେଇଛନ୍ତି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
