ବ୍ରହ୍ମପୁର: ସହରର ବଡବଜାର ଥାନା ଅନ୍ତର୍ଗତ ପ୍ରେମନଗର ଛକରେ ଦୁଇ ଗୋଷ୍ଠୀ ମଧ୍ୟରେ ହୋଇଥିବା ଗଣ୍ଡଗୋଳ ଘଟଣାରେ ଚାରି ଅଭିଯୁକ୍ତ ଗିରଫ । ପୋଲିସ ଚାରି ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ବେଳେ ଏଥିରେ ସଂପୃକ୍ତ ଅନ୍ୟ ଜଣେ ନାବାଳକକୁ ଅଟକ ରଖି ଜୁଭେନାଇଲ୍ କୋର୍ଟରେ ହାଜର କରାଯାଇଛି ।
ଗତ ୩୦ ତାରିଖରେ ହୋଇଥିବା ଦୁଇ ଗୋଷ୍ଠୀ ମଧ୍ୟରେ ସଂଙ୍ଘର୍ଷରେ ଆକ୍ରମଣ ଓ ପ୍ରତି ଆକ୍ରମଣ ଘଟଣାରେ ଜଗା ରାଓ ଏବଂ ରଞ୍ଜିତ ନାୟକ ଙ୍କୁ ମରଣାନ୍ତକ ଆକ୍ରମଣ ହୋଇଥିବା ବେଳେ ଦୁହିଁଙ୍କୁ ଚିକିତ୍ସା ପାଇଁ ବ୍ରହ୍ମପୁର ଏମ୍.କେ.ସି.ଜି ରେ ଭର୍ତ୍ତି କରାଯାଇଥିଲା । ଏନେଇ ଦୁଇ ପକ୍ଷରୁ ଏତଲା ହୋଇଥିବା ବେଳେ ବୁଲୁ ନାୟକର ଏତଲା ପ୍ରକାରେ ଦୁଇ ଅଭିଯୁକ୍ତ ପ୍ରେମନଗର ପୂର୍ଣ୍ଣବାସୀ କୋଲେନୀ ଅଞ୍ଚଳର ଟୁନା ଦାଶ ଏବଂ ଧାନମେରା ସାହିର ସନ୍ତୋଷ ହାତୀକୁ ଗିରଫ କରି କୋର୍ଟଚାଲାଣ କରାଯାଇଛି ।
ବେଳେ ଅନ୍ୟପଟେ ଅଜିତ କୁମାର ନାୟକଙ୍କ ଏତଲା ପ୍ରକାରେ ପୋଲିସ କୃଷ୍ଣ ମୁଖୀ ଓ ରାଜେଶ ପରଦେଶୀକୁ ଗିରଫ କରି କୋର୍ଟ ଚାଲାଣ କରିଥିଲା । ଜଣେ ନାବାଳକକୁ ଜୁଭେନାଇଲ୍ କୋର୍ଟରେ ହାଜର ମଧ୍ୟ କରାଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
