ବ୍ରହ୍ମପୁର: ପାଟପୁର ଥାନା ଅନ୍ତର୍ଗତ ଜିଉରା ପଞ୍ଚାୟତର ସାମନ୍ତରାୟପୁର କଂଗ୍ରେସ ପଡିଆଠାରେ ସାନଖେମୁଣ୍ଡି ବିଧାୟକ ବିଧାୟକ ରମେଶ ଚନ୍ଦ୍ର ଜେନାଙ୍କୁ ନେଇ ସମ୍ବର୍ଦ୍ଧନା ଉତ୍ସବ ଆୟୋଜିତ ହୋଇଛି ।
୫୯ ନଂ ଜୋନ ସଭାପତି ବାବୁଲା ଦୋରାଙ୍କ ସଭାପତିତ୍ବରେ ଆୟୋଜିତ ଏହି ଉତ୍ସବରେ ନିର୍ବାଚନ ମଣ୍ଡଳୀର ଦଶ ହଜାରରୁ ଊର୍ଦ୍ଧ୍ବ କଂଗ୍ରେସ କର୍ମୀମାନେ ଉପସ୍ଥିତ ରହି ପାଟପୁର ଗାନ୍ଧୀ ଛକ ଠାରୁ ଏକ ବିଶାଳ ବାଇକ ଶୋଭାଯାତ୍ରାରେ ସଭାମଞ୍ଚକୁ ପାଛୋଟି ନେଇଥିଲେ । ଚଳିତ ନିର୍ବାଚନରେ ବିଧାୟକ ରମେଶ ଜେନା ବିଜୟୀ ଲାଭ କରିଥିବାରୁ ସାନଖେମୁଣ୍ଡିର ବିଧାୟକ ଜେନା ନିଜ ଅଭିଭାଷଣରେ ଖୁସି ଜାହିର କରିଥିଲେ । ସାନଖେମୁଣ୍ଡି ଲୋକମାନଙ୍କ ଭଲ ପାଇବା ମୋତେ ମୋ ସଫଳତାର ଶୀର୍ଷରେ ପହଞ୍ଚାଇପାରିଛି ଏବଂ ସାନଖେମୁଣ୍ଡି ଅଞ୍ଚଳର ବିକାଶ ପାଇଁ ସଂଗ୍ରାମ ଜାରି ରଖିବା ସହ ପ୍ରତ୍ୟେକ ଗ୍ରାମକୁ ବୁଲିବୁଲି ଲୋକମାନଙ୍କ ପାଖରେ ରହିଥିବା ସମସ୍ୟାକୁ ସମାଧାନ କରିବା ପାଇଁ ପ୍ରତିଶ୍ରୁତି ଦେଇଥିଲେ ।
ଏହି କାର୍ଯ୍ୟକ୍ରମରେ କଂଗ୍ରେସର ବହୁ କର୍ମକର୍ତ୍ତାଙ୍କ ସମେତ ସରପଞ୍ଚ, ସମିତି ସଭ୍ୟ ଉପସ୍ଥିତ ରହିଥିଲେ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
