ଭଞ୍ଜନଗର: କନ୍ଧମାଳ ସଂସଦୀୟ କ୍ଷେତ୍ର ଏବଂ ଆସିକା ସଂସଦୀୟ କ୍ଷେତ୍ରର ବିଧାନସଭା ନିମନ୍ତେ ଉଭୟେ ବିଜେଡି ଓ କଂଗ୍ରେସର ପ୍ରାର୍ଥୀମାନେ ଗଞ୍ଜାମ ଜିଲ୍ଲା ଭଞ୍ଜନଗର ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ନାମାଙ୍କନପତ୍ର ଦାଖଲ
କରିବାର କାର୍ଯ୍ୟକ୍ରମ ରହିଛି । ଭଞ୍ଜନଗର ନିର୍ବାଚନ ମଣ୍ଡଳୀର ବିଜେଡିର ବିଧାୟକ ପ୍ରାର୍ଥୀବିକ୍ରମ କେଶରୀଆରୁଖ ହୋଇଥିବା ବେଳେ କଂଗ୍ରେସର ସଞ୍ଜୟ ତ୍ରିପାଠୀ ନିଜନିଜର ସମର୍ଥକଙ୍କ ଶହ ଏକ ବିରାଟ ପଟୁଆରରେ ପହଞ୍ଚି ନାମାଙ୍କନପତ୍ର ଦାଖଲ କରିଛନ୍ତି ।
ଏପଟେ ସ୍ଵାଧିନପ୍ରାର୍ଥୀ ଭାବେ ଜଣେ ପ୍ରାର୍ଥୀପତ୍ର ଦାଖଲ କରିଛନ୍ତି, ସେହିପରି ସୋରଡା ନିର୍ବାଚନ ମଣ୍ଡଳୀର ବିଜେଡି ଦଳର ପୂର୍ଣ୍ଣଚନ୍ଦ୍ର ସ୍ଵାଇଁ ଏବଂ କଂଗ୍ରେସ ଦଳର ସଂଗ୍ରାମ କେଶରୀ ମହାନ୍ତି ଓ ସ୍ଵାଧୀନ ପ୍ରାର୍ଥୀ ଭାବେ ନିରାକାର ନାଇକ ନିଜନିଜର ସମର୍ଥକଙ୍କ ସହ ଆସି ନାମାଙ୍କନ ପତ୍ର ଦାଖଲ କରିଛନ୍ତି । ଏହାସହିତ ଆସିକା ନିର୍ବାଚନ ମଣ୍ଡଳୀର ବିଜେଡି ମହିଳା ପ୍ରାର୍ଥୀ ମଞ୍ଜୁଳା ସ୍ଵାଇଁ , ବିଜେପିର ବିଧାୟକ ପ୍ରାର୍ଥୀ ଦେବରାଜ ମହାନ୍ତି ସଦଳବଳେ ଆସି ପ୍ରାର୍ଥୀପତ୍ର ଦାଖଲ କରିଛନ୍ତି ।
ଆଜି ପ୍ରାର୍ଥୀପତ୍ର ଦାଖଲ ସମୟରେ ଭଞ୍ଜନଗର ସହରରେ ଭର୍ତ୍ତି ହୋଇଥିଲେ ହଜାର ହଜାର ଲୋକେ। ତେବେ ଲୋକଙ୍କ ସୁରକ୍ଷାକୁ ଦୃଷ୍ଟିରେ ରଖି ବ୍ୟାପକ ପୋଲିସ ମୁତୟନ ହୋଇଥିଲେ । ଆସନ୍ତାକାଲି ଭଞ୍ଜନଗର ଓ ସୋରଡା ନିର୍ବାଚନ ମଣ୍ଡଳୀର ବିଜେପି ପ୍ରାର୍ଥୀଙ୍କ ନାମାଙ୍କନପତ୍ର ଦାଖଲ କରିବାର କାର୍ଯ୍ୟକ୍ରମ ରହିଛି ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
