ବ୍ରହ୍ମପୁର: ସହରର ଟାଉନ ଥାନା ଅନ୍ତର୍ଗତ ଗିରିମାର୍କେଟ ମାଛବଜାର ନିକଟରେ ଚାଲିଥିଲା ଜୁଆ ଆଡ୍ଡା ଉପରେ ପୋଲିସର ଚଢାଉ । ଫଳରେ ଘଟଣାସ୍ଥଳରୁ ପୋଲିସ ୧୦ ଜଣଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ୪୩ ହଜାର ଶହେ ଟଙ୍କା ଏବଂ ମୋବାଇଲ ଜବତ କରିଛି ।
ବିଶେଷତଃ ପାର୍ବଣ ସମୟରେ ବ୍ରହ୍ମପୁର ସହର ସମେତ ଗଞ୍ଜାମ ଜିଲ୍ଲାର ବିଭିନ୍ନ ସ୍ଥାନରେ ଜମିଥାଏ ଜୁଆ ଆଡ୍ଡା । ତେବେ ଉକ୍ତ ସ୍ଥାନରେ ଏକ ବଡ଼ ଧରଣର ଜୁଆ ଆଡ୍ଡା ଚାଲିଥିବା ଖବର ପାଇ ସହରର ଟାଉନ ଥାନା ଅଧିକାରୀ ସୁରେଶ ତ୍ରିପାଠୀଙ୍କ ନିର୍ଦ୍ଦେଶକ୍ରମେ ଏକ ପୋଲସ ଟିମ ଅତର୍କିତ ଭାବେ ଚଢ଼ାଉ କରି ସେମାନଙ୍କୁ ଗିରଫ କରିବାରେ ସଫଳ ହୋଇଛି ।
ବ୍ରହ୍ମପୁରରୁ ସମୀର କୁମାର ଆଚାର୍ଯ୍ୟ, ଇଟିଭି ଭାରତ
