ଭଞ୍ଜନଗର: ସାରାବିଶ୍ବରେ ଏବେ ତାଣ୍ଡବ ରଚୁଛି ମହାମାରୀ କୋରୋନା । ଏନେଇ ସାରା ଦେଶ ସ୍ତବ୍ଧ । ଏଥିରୁ ମୁକୁଳିବା ପାଇଁ ସରକାର ଲକଡାଉନକୁ ଆଉ ଦୁଇ ସପ୍ତାହ ବୃଦ୍ଧି କରିଥିବାବେଳେ ପୁଣି ଚତୃର୍ଥ ଦିନରେ ପହଞ୍ଚିଲା ଗଞ୍ଜାମ ଭଞ୍ଜନଗରରେ ପ୍ରବାସୀ ଓଡ଼ିଆଙ୍କ ଆଉ ଗୋଟିଏ ବସ । ସେଥିରେ 56 ଜଣ ପ୍ରବାସୀ ଓଡ଼ିଆ ଥିବାବେଳେ ଜଣେ ମହିଳା ଓ 5 ବର୍ଷର ଶିଶୁ ମଧ୍ୟ ରହିଛନ୍ତି ।
ଭଞ୍ଜନଗର ପହଁଚିଲେ ପୁଣି 56 ପ୍ରବାସୀ ଓଡ଼ିଆ
ବସଟି ରାସ୍ତା ଭୁଲି ଦଶପଲ୍ଲା ପଳାଇ ଯାଇଥିଲା ଖବର ପାଇ ପ୍ରଶାସନିକ ଅଧିକାରୀମାନେ ପହଞ୍ଚି ବସଟିକୁ ତାର ଗନ୍ତବ୍ୟ ସ୍ଥଳ ତୁରୁମୁ କ୍ଵାରେଣ୍ଟାଇନ ଗୃହକୁ ଆଣିଛନ୍ତି । ସେଠାରେ ଡାକ୍ତରୀ ଟିମ ସମସ୍ତଙ୍କ ସ୍ୱାସ୍ଥ୍ୟ ଅବସ୍ଥା ଯାଞ୍ଚ କରି ଚଉଦ ଦିନ କ୍ଵାରେଣ୍ଟାଇନରେ ରଖିବା ପରେ ନିଜ ନିଜ ଘରକୁ ପଠାଇବେ । ଯଦି ଏହା ଭିତରେ କାହା ପାଖରେ କିଛି ଲକ୍ଷଣ ଦେଖାଯାଏ ତେବେ ତାଙ୍କୁ ବ୍ରହ୍ମପୁର ମେଡିକାଲକୁ ପଠାଯିବା ବନ୍ଦୋବସ୍ତ କରାଯାଇଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
