ଭଞ୍ଜନଗର: ଗଞ୍ଜାମ ଜିଲ୍ଲା ବଡ଼ଗଡ଼ ଥାନା ଅନ୍ତର୍ଗତ ଏକଲପୁର ନିକଟରେ ଘଟିଥିବା ହତ୍ୟାକାଣ୍ଡର ପର୍ଦ୍ଦାଫାଶ କରିଛି ପୋଲିସ । କେଶବ ତୋଟାରେ ଯୁବକର ମୁଣ୍ଡ ଗଣ୍ଡି ଅଲଗା କରି ହତ୍ୟା ଘଟଣାରେ ସମ୍ପୃକ୍ତ ଥିବା 3 ଜଣଙ୍କୁ ଗିରଫ କରିବା ସହ ହତ୍ୟାରେ ବ୍ୟବହୃତ ଏକ ଧାରୁଆ ଅସ୍ତ୍ରକୁ ଜବତ କରିଛି ପୋଲିସ l ପରକୀୟା ପ୍ରୀତିକୁ ନେଇ ଏହି ହତ୍ୟା ଘଟଣା ଘଟିଥିବା ସୂଚନା ଦେଇଛି ପୋଲିସ ।
କେଶବ ତୋଟା ହତ୍ୟାକାଣ୍ଡ ଘଟଣା; ତିନି ଜଣ ଗିରଫ
ଖବର ଅନୁଯାୟୀ, ଏକଲପୁର ଗ୍ରାମର ଶିବ ଗୌଡ଼ଙ୍କ ପତ୍ନୀଙ୍କ ସହ ମୃତ ବ୍ୟକ୍ତିଙ୍କ ଅନୈତିକ ସମ୍ପର୍କ ଥିବା ଜାଣି ପାରିଥିଲେ ଶିବ l ଏହାପରେ ହତ୍ୟାକାଣ୍ଡର ଷଡ଼ଯନ୍ତ୍ର ରଚିଥିଲା ଅଭିଯୁକ୍ତ l ନିଜ ପତ୍ନୀ ଦ୍ବାରା ଫୋନ କଲ କରି ମୃତକ ନୀଳାଞ୍ଚଳକୁ ଡକାଇଥିଲା । ପରେ କେଶବ ତୋଟା ଠାରେ ହତ୍ୟା କରି ମୁଣ୍ଡଗଣ୍ଡି ଅଲଗା କରିଦେଇଥିଲେ ଅଭିଯୁକ୍ତ ଓ ତାର ସାଥୀମାନେ ।
ଆଜି ତିନି ଜଣକୁ ଗିରଫ କରି କୋର୍ଟ ଚାଲାଣ କରାଯାଇଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
