ଗଜପତି: ଆସନ୍ତାକାଲି (ରବିବାର) ତୃତୀୟ ପର୍ଯ୍ୟାୟ ପାଇଁ ପଡିବ ଭୋଟ । ଏନେଇ ସରଗରମ ରହିଛି ରାଜ୍ୟ ରାଜନୀତି । ଗଜପତି ଜିଲ୍ଲା ରାୟଗଡ ବ୍ଲକ ଜଲାଙ୍ଗ ପଞ୍ଚାୟତର କଡମ୍ମାତାଲ ଗାଁରେ କିଛି ରାଜନୈତିକ ଦଳର କର୍ମୀ ରାତିରେ ଟଙ୍କା ନେଇ ଗାଁକୁ ଆସିଥିବା ଅଭିଯୋଗ ହୋଇଛି ।
ଆଉ ସେମାନଙ୍କୁ କାବୁ କରିଥିଲେ ଗ୍ରାମବାସୀ । ଦୁଇ କର୍ମୀଙ୍କୁ ଅଟକ ରଖିବା ସହ ସକାଳେ ପୋଲିସକୁ ସେମାନେ ଖବର ଦେଇଥିଲେ । ଘଟଣାସ୍ଥଳରେ ରାୟଗଡା ତହସିଲଦାର ଓ ପୋଲିସ ପହଞ୍ଚି ଉଭୟଙ୍କୁ ଉଦ୍ଧାର କରିବା ସହ ଟଙ୍କା ମଧ୍ୟ ଜବତ କରିଥିଲେ ।
ଏହାବି ପଢନ୍ତୁ : Panchayat Polls: ରାଜ୍ୟରେ ବଢୁଛି ମତଦାନ ହାର, ଦ୍ବିତୀୟ ପର୍ଯ୍ୟାୟରେ ୭୮.୦୩%
ସେପଟେ ଅଟକ ଥିବା ବ୍ୟକ୍ତି ଜଣକ ବରିଷ୍ଠ ରାଜନେତା ଅନ୍ତର୍ଯାମୀ ଗମାଙ୍ଗଙ୍କ ନାଁ ନେଇଛନ୍ତି । ସେ ତାଙ୍କୁ ଟଙ୍କା ଦେଇ ଗାଁକୁ ପଠାଇଥିବା କହିଛନ୍ତି । ସେପଟେ ବ୍ୟକ୍ତି ଜଣକ ନିର୍ଦ୍ଦିଷ୍ଟ ରାଜନୈତିକ ଦଳର ପୁରୁଖା ନେତା ହୋଇଥିବାବେଳେ ଏ ଘଟଣା ସମ୍ପର୍କରେ ଅବଗତ ନ ଥିବା କହିଛନ୍ତି ବ୍ରହ୍ମପୁର ସାଂସଦ ଚନ୍ଦ୍ର ଶେଖର ସାହୁ ।
ଗଜପତିରୁ ହରିହର ପଟନାୟକ, ଇଟିଭି ଭାରତ
