ଗଜପତି: ଜିଲ୍ଲା ସଦରମହକୁମା ପାରଳାଖେମୁଣ୍ଡିଠାରେ ଭାରତୀୟ ଜନତା ପାର୍ଟି ପକ୍ଷରୁ ବିଶିଷ୍ଟ ସଂଗୀତଜ୍ଞ ଏସ. ବାଲ ସୁବ୍ରମଣ୍ୟମଙ୍କ ଶୋକସଭା ଆୟୋଜିତ ହୋଇଯାଇଛି । ସେ ବିଭିନ୍ନ ଭାଷାରେ ବହୁ ଚଳଚିତ୍ରରେ ସଙ୍ଗୀତ ପାଇଁ କଣ୍ଠ ପ୍ରଦାନ କରିଥିଲେ ବୋଲି ସ୍ମୁତିଚାରଣ କରିଥିଲେ ।
ଏହି ଅବସରରେ ପୂର୍ବତନ ନଗରପାଳ ତଥା ବରିଷ୍ଠ କଳାକାର ନୃସିଂହ ଚରଣ ପଟ୍ଟନାୟକ ସୁବ୍ରମଣ୍ୟମଙ୍କ ସଙ୍ଗୀତ ମଧ୍ୟ ଗାଇଥିଲେ। ଗତ ଶୁକ୍ରବାର ଚିକିତ୍ସାଧୀନ ଅବସ୍ଥାରେ ଏମଜିଏମ ହେଲଥ କେୟାରେ ଶେଷ ନିଶ୍ବାସ ତ୍ୟାଗ କରିଥିଲେ ବାଲ ସୁବ୍ରମଣ୍ୟମ । ତାଙ୍କ ପୁଅ ଏନେଇ ସୂଚନା ଦେଇଥିଲେ । ମୃତ୍ୟୁ ବେଳକୁ ତାଙ୍କୁ 74 ବର୍ଷ ବୟସ ହୋଇଥିଲା ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ