ଗଜପତି: ଜିଲ୍ଲାରେ ଆଉ ନୂଆ 6 ଆକ୍ରାନ୍ତ ଚିହ୍ନଟ । ନୂଆ 6 ପଜିଟିଭକୁ ମିଶାଇ ଜିଲ୍ଲାରେ 2 ଅଙ୍କରେ ପହଁଚିଲା କରୋନା ଆକ୍ରାନ୍ତଙ୍କ ସଂଖ୍ୟା । ଆଜି 6 ଜଣ ଆକ୍ରାନ୍ତ ଚିହ୍ନଟ ହେବା ପରେ ସେମାନଙ୍କୁ ଜିଲ୍ଲା କୋଭିଡ ମେଡିକାଲକୁ ସ୍ଥନାନ୍ତର କରାଯାଇଛି । ଆକ୍ରାନ୍ତ ସମସ୍ତ 6 ଜଣ ମହାରାଷ୍ଟ୍ର ଫେରନ୍ତା ଏବଂ ସେମାନେ ଗତ 16 ତାରିଖ ଦିନ ଏକ ସ୍ବତନ୍ତ୍ର ବସ ଯୋଗେ ଜିଲ୍ଲାକୁ ଫେରିବା ବେଳେ ହାଡୁଭାଙ୍ଗି ସ୍ଥିତ ନାକାରେ ପ୍ରଶାସନ ଏମାନଙ୍କୁ ଧରିଥିଲା ।
ଗଜପତିରେ ନୂଆ 6 ଆକ୍ରାନ୍ତ
ଆକ୍ରାନ୍ତଙ୍କୁ ଧରିବା ପରେ ସେମାନଙ୍କୁ ଏକ ସଙ୍ଗରୋଧ କେନ୍ଦ୍ରରେ ରଖାଯାଇଥିଲା । ସେଠାରେ ତାଙ୍କ ସ୍ବାବ ସଂଗ୍ରହ କରାଯାଇ ଟେଷ୍ଟିଂ ପାଇଁ ପଠାଯାଇଥିଲା । ଆଜି ସେମାନଙ୍କ ସ୍ବାବ ରିପୋର୍ଟ ଆସିଥିବା ବେଳେ ପଜିଟିଭି ରହିଥିବା ଜଣାପଡିଛି ବୋଲି ଜିଲ୍ଲାପାଳ ଅନୁପମ ସାହା କହିଛନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
