ଢେଙ୍କାନାଳ: ଢେଙ୍କାନାଳ ଜିଲ୍ଲାରେ ଲଜ୍ଜା । ଦଶମ ଶ୍ରେଣୀ ଛାତ୍ରୀଙ୍କୁ ଟେକି ନେଇ ଦୁଷ୍କର୍ମ ଉଦ୍ୟମ । କୌଶଳ କ୍ରମେ ଯୁବକଙ୍କ କବଳରୁ ଖସି ଆସିଲେ ଛାତ୍ରୀ । ଛାତ୍ରୀ ଜଣକ ନିଜକୁ ରକ୍ଷା କରି ଘରେ ପହଞ୍ଚିବା ପରେ ଥାନାର ଦ୍ବାରସ୍ତ ହେଲେ ବାପା ମାଆ । ଏଭଳି ଲଜ୍ଜା ଜନକ ଘଟଣା ଘଟିଛି ଭୁବନ ଥାନା ଅଞ୍ଚଳରେ ।
ଏହା ମଧ୍ୟ ପଢନ୍ତୁ-ଅଁଳାନବମୀରେ ଶ୍ରଦ୍ଧାଳୁ ପିଇଲେ ନିମ୍ନମାନର ମୃଦୁ ପାନୀୟ, ତଦନ୍ତ ନିର୍ଦ୍ଦେଶ ଦେଲା ପ୍ରଶାସନ
ମିଳିଥିବା ସୂଚନା ଅନୁଯାୟୀ ଦେହ ଖରାପ ହେବାରୁ ଆଜି ବିଦ୍ୟାଳୟରୁ ଛାତ୍ରୀ ଜଣଙ୍କ ଫେରୁଥିଲେ । ଏହି ସମୟରେ ଗ୍ରାମ ଜଙ୍ଗଲ ରାସ୍ତାରେ ଘର ପାଖ ଯୁବକ ଜଗବନ୍ଧୁ ପାତ୍ର ଛାତ୍ରୀ ଜଣକୁ ଟେକି ନେଇ ଦୁଷ୍କର୍ମ ଉଦ୍ୟମ କରିଥିଲା । କିନ୍ତୁ କୌଶଳ କ୍ରମେ ନାବାଳିକା ଛାତ୍ରୀ ସେଠାରୁ ଖସି ଆସି ଘରେ ପହଞ୍ଚିବା ପରେ ବାପା ମାଆଙ୍କୁ ଘଟଣା ସମ୍ପର୍କରେ ଜଣାଇଥିଲେ । ଏନେଇ ଛାତ୍ରୀଙ୍କ ବାପା ମାଆ ଭୁବନ ଥାନାରେ ପହଞ୍ଚି ଅଭିଯୋଗ କରିବା ପରେ ପୋଲିସ ମାମଲା ରୁଜୁ କରି ତଦନ୍ତ ଚଳାଇଛି ।
ଢେଙ୍କାନାଳ, ଇଟିଭି ଭାରତ
