ଢେଙ୍କାନାଳ: ଢେଙ୍କାନାଳ ଜିଲ୍ଲା ଶିଳ୍ପାଞ୍ଚଳ କଣ୍ଟା ବଣିଆର ଏକ ହଟିଂ ଜୋନରୁ ସନ୍ଦେହ ଜନକ ଭାବେ ଜଣେ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର କରିଛି ପୁଲିସ । ମୃତ ମହିଳା ଜଣଙ୍କ ପାଲଲହାଡ଼ା ଘୋଡାପଦାର ଲଷ୍ମୀ ପୂର୍ତ୍ତି ବୋଲି ଜଣାପଡିଛି ।
ମହିଳାଙ୍କ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର
ଘଟଣା ସ୍ଥଳରେ କଣ୍ଟାବଣିଆ ଥାନା ପୁଲିସ ପହଞ୍ଚି ମୃତଦେହ ଜବତ କରି ତଦନ୍ତ ଆରମ୍ଭ କରିଛି । ମୃତ ଲଷ୍ମୀ ଦେବଗଡ଼ର ଅଜୟ କିଷାନ ନାମକ ଜଣେ ଡ୍ରାଇଭରର ରକ୍ଷିତା ଭାବେ ଏହି ହଂଟି ଜୋନରେ ରହୁଥିଲେ । ଅଜୟ କଣ୍ଟା ବଣିଆ ଅଞ୍ଚଳରେ ରହି ଟ୍ରକ ଡ୍ରାଇଭିଂ କରନ୍ତି ।
ତେବେ ଆଜି ଲଷ୍ମୀଙ୍କ ମୃତଦେହ ଝୁଲନ୍ତା ଅବସ୍ଥାରେ ଉଦ୍ଧାର କରାଯିବା ନେଇ ଅଜୟଙ୍କ ଉପରେ ସନ୍ଦେହ କରିଛି ପୁଲିସ । ଫଳରେ ଅଜୟଙ୍କୁ ଅଟକ ରଖି କଣ୍ଟା ବଣିଆ ପୁଲିସ ତଦନ୍ତ କରୁଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
