ଢେଙ୍କାନାଳ: ଦେଶରେ ବଢୁଛି କୋରୋନା ସଂକ୍ରମିତଙ୍କ ସଂଖ୍ୟା । ଏହାର ମୁକାବିଲା ପାଇଁ ସଭା ସମିତି ଉପରେ ରହିଛି କଡା କଟକଣା । ମାତ୍ର ଏହି କଟକଣାକୁ ଫୁ କରି ଦେଉଛନ୍ତି ଅମାନିଆ । ନିଜ ଅଧିକାର ଦାବିରେ କଟକଣାକୁ ଏଡାଇ ଆଇନକୁ ହାତକୁ ନେବାକୁ ଭୁଲୁନାହାଁନ୍ତି । ଢେଙ୍କାନାଳ ଜିଲ୍ଲାପାଳଙ୍କ ସମ୍ମୁଖର ଏହି ଦୃଶ୍ୟକୁ ଦେଖନ୍ତୁ । ସଂକ୍ରମଣର ଭୟରେ ପିଲାଙ୍କୁ ବାହାରକୁ ବାହାରିବା ମନା । ମାତ୍ର ଏହି କୁନି ପିଲାମାନଙ୍କ ଜୀବନକୁ ଲଗାଇ ଦିଆଯାଉଛି ବାଜି । ସାମାଜିକ ଦୂରତା ଆଉ କଟକଣାକୁ ପୁରାପୁରି ଫୁ କରି ଦେଇଛନ୍ତି ଏହି ଆନ୍ଦୋଳନକାରୀ ।
କଟକଣାକୁ ଫୁ, କୁନି ପିଲାଙ୍କ ସହ ଢେଙ୍କାନାଳ ପଥରଗଡା ଗ୍ରାମବାସୀଙ୍କ ଧାରଣା
ଗୋଟିଏ ପଟେ ରହିଛି କୋରୋନା ପାଇଁ କଡା କଟକଣା । ସେପଟେ ପ୍ରାଥମିକ ଶିକ୍ଷା ପାଇଁ ସରକାର କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି ସତ । କିନ୍ତୁ ଏପରି ଅଭାବନୀୟ ଦୃଶ୍ୟ ଉଭୟ ପ୍ରଶାସନ ଓ ଆନ୍ଦୋଳନର ନେତୃତ୍ୱ ନେଇଥିବା ଗାଁ ଲୋକମାନଙ୍କ ଭୂମିକା ଉପରେ ଉଠୁଛି ଅନେକ ପ୍ରଶ୍ନ ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
