ଢେଙ୍କାନାଳ: ଛତା ଧରି ନିଆରା ଢଙ୍ଗରେ ଶୋଭାଯାତ୍ରା । ଢେଙ୍କାନାଳ ଜିଲ୍ଲାର ସଦର ବ୍ଲକ ଅନ୍ତର୍ଗତ ବେଳଟିକିରି ପଞ୍ଚାୟତରେ ସରପଞ୍ଚଙ୍କ ଏଭଳି ଶୋଭାଯାତ୍ରା ଦେଖିବାକୁ ମିଳିଛି । ଭୋଟରଙ୍କୁ ଆକୃଷ୍ଟ ପାଇଁ ଏଭଳି ଅଭିନବ ଉଦ୍ୟମ କରିଛନ୍ତି ପ୍ରାର୍ଥୀ ।
ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଢେଙ୍କାନାଳ ଜିଲ୍ଲାର ଦ୍ବିତୀୟ ପର୍ଯ୍ୟାୟରେ ଆସନ୍ତା ୧୮ ତାରିଖରେ ଭୋଟ ଗ୍ରହଣ ରହିଛି । ଏପରି ସ୍ଥଳେ ଅନ୍ତିମ ପ୍ରଚାର ପାଇଁ ପ୍ରାର୍ଥୀମାନେ ନୂଆ ନୂଆ ତରିକା ଆପଣେଇଛନ୍ତି । ଏହା ମଧ୍ୟରେ ସଦର ବ୍ଲକର ବେଳଟିକିରି ପଞ୍ଚାୟତରେ ସରପଞ୍ଚ ପ୍ରାର୍ଥୀଙ୍କ ପ୍ରଚାର ଷ୍ଟାଇଲ ଟିକିଏ ନିଆରା ରହିଛି । ଏହି ପଞ୍ଚାୟତରେ ସରପଞ୍ଚ ପାଇଁ ମୋଟ ୧୦ଜଣ ପ୍ରାର୍ଥୀ ପ୍ରତିଦ୍ବନ୍ଦିତା କରୁଛନ୍ତି ।
ତେବେ ଛତା ଚିହ୍ନରେ ଲଢ଼ୁଥିବା ବଳଭଦ୍ର ସାମଲ ଏକ ଛତାର ଶୋଭାଯାତ୍ରା କରିଛନ୍ତି । ପଞ୍ଚାୟତରେ ନିଜ ସମର୍ଥକଙ୍କୁ ନେଇ ଗୋଟିଏ ଗୋଟିଏ ଛତା ଧରି ଏକ ଶୋଭାଯାତ୍ରାରେ ପଞ୍ଚାୟତ ପରିକ୍ରମା କରୁଥିବା ଦେଖିବାକୁ ମିଳୁଛି । ଏଭଳି ନିଆରା ଢଙ୍ଗର ପ୍ରଚାର ଦେଖିବାକୁ ଲୋକଙ୍କ ଭିଡ଼ ଜମିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
