ଢେଙ୍କାନାଳ: ଜିଲ୍ଲାର ଜୋରନ୍ଦା ଫାଣ୍ଡି ରାଧାଦେଇପୁର ନିକଟରୁ ଗୁରୁବାର ପିସ୍ତଲ ଦେଖାଇ ଟଙ୍କା, ବାଇକ ଓ ମୋବାଇଲ ଲୁଟ ହୋଇଛି । ଦୁର୍ବୃତ୍ତଙ୍କ ଏହି ଆକ୍ରମଣରେ ଜଣେ ଆହତ ହୋଇଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଥିବା ସୂଚନା ମିଳିଛି ।
ବନ୍ଧୁକ ଦେଖାଇ ଲୁଟିଲେ ଦୁର୍ବୁତ୍ତ, ଜଣେ ଆହତ
ଜିଲ୍ଲାର ଗଁନ୍ଦିଆ ଥାନା ଜୋରନ୍ଦା ଫାଣ୍ଡି ଅନ୍ତର୍ଗତ ରାଧାଦେଇପୁର ନିକଟରେ ଏହି ଘଟଣା ଘଟିଛି । ଲୁଟର ଶିକାର ହୋଇଛନ୍ତି ରାଧାଦେଇପୁର ଗାଁର ଅକ୍ଷୟ ବେହେରା । ଅକ୍ଷୟଙ୍କ କହିବା ମୁତାବକ ଦୁଇଜଣ ଦୁର୍ବୃତ୍ତ ବାଇକରେ ଆସି ପିସ୍ତଲ ଦେଖାଇ ତାଙ୍କୁ ପ୍ରଥମେ ଭୟଭୀତ କରାଇଥିଲେ । ପରେ ଭୁଜାଲିରେ ଆକ୍ରମଣ କରି ତାଙ୍କ ଠାରୁ 60 ହଜାର ଟଙ୍କା, ବାଇକ ଓ ମୋବାଇଲ ଲୁଟି ନେଇଛନ୍ତି । ଦୃର୍ବୁତ୍ତମାନଙ୍କ ଆକ୍ରମଣରେ ଅକ୍ଷୟ ସାମାନ୍ୟ ଆହତ ହୋଇଥିବା ଜଣାପଡିଛି ।
