ଢେଙ୍କାନାଳ : ଓପିଟିସିଏଲ ମଜଦୁର କର୍ମଚାରୀଙ୍କ କଳାବ୍ୟାଚ ପରିଧାନ କରି ପ୍ରତିବାଦ । ଦାବି ପୂରଣ ନହେଲେ ଆସନ୍ତା ୨୮ରୁ କାର୍ଯ୍ୟବନ୍ଦ ଆନ୍ଦୋଳନ କରିବେ ଓପିଟିସିଏଲ ମଜଦୁର କର୍ମଚାରୀ ।
ଓପିଟିସିଏଲ ମଜଦୂର କର୍ମଚାରୀଙ୍କ କଳାବ୍ୟାଚ ପରିଧାନ କରି ପ୍ରତିବାଦ
ଓଡିଶା ଶକ୍ତି ସଞ୍ଚରଣ ନିଗମ ଲିମିଟେଡ (ଓପିଟିସିଏଲ) ଅଧୀନରେ କାର୍ଯ୍ୟରତ ଆଇଟିଆଇ ଓ ଜୁନିୟର ଟେକ୍ନିସିଆନ କର୍ମଚାରୀମାନେ କଳାବ୍ୟାଚ ପରିଧାନ କରି ପ୍ରତିବାଦ ଆରମ୍ଭ କରିଛନ୍ତି । ରାଜ୍ୟ ସଂଘ ଆହ୍ବାନରେ ମଙ୍ଗଳବାର ଠାରୁ ଢେଙ୍କାନାଳ ଜିଲ୍ଲାରେ ମଜଦୁର କର୍ମଚାରୀମାନେ ମେରମୁଣ୍ଡାଳିସ୍ଥିତ ଗ୍ରୀଡ଼ ଠାରେ କୋଭିଡ କଟକଣା ମଧ୍ୟରେ କଳା ବ୍ୟାଚ ପରିଧାନ କରି ପ୍ରତିବାଦ ପ୍ରଦର୍ଶନ କରିଛନ୍ତି । ସେମାନଙ୍କର ପଦୋନ୍ନତି, ବରିଷ୍ଠତା ତାଲିକା ସଂଶୋଧନ ଆଦି ଆସନ୍ତା ୨୮ ତାରିଖ ସୁଦ୍ଧା ସମାଧାନ କରିବା ପାଇଁ ଦାବି କରିଛନ୍ତି । ଯଦି ଦାବି ପୂରଣ ନକରନ୍ତି, ତାହା ହେଲେ ଆସନ୍ତା ୨୮ ତାରିଖରୁ ସମସ୍ତେ ଅନଶନ କରିବା ସହ କାର୍ଯ୍ୟବନ୍ଦ ଆନ୍ଦୋଳନ କରିବେ ବୋଲି ଚେତାବନୀ ଦେଇଛନ୍ତି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
