ଢେଙ୍କାନାଳ: ଦୀପାବଳିରେ ଘଟିଲା ଅଘଟଣ । ଢେଙ୍କାନାଳ ସଦର ଥାନା ଅନ୍ତର୍ଗତ ବାରଦା ଗ୍ରାମରେ ବାଣ ଫୁଟି ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଦୁଇ ଜଣ ଗୁରୁତର ହୋଇଛନ୍ତି । ମୃତକ ହେଲେ ବାରଦା ଗ୍ରାମର ମହେଶ୍ଵର ମହାରଣା । ଗୁରୁତର ଦୁଇଜଣ ଉକ୍ତ ଗ୍ରାମର ବିରେନ ନାୟକ ଓ ପ୍ରଶନ୍ନ ବ୍ରହ୍ମ ବୋଲି ଜଣାପଡିଛି । ଉଭୟଙ୍କ ଅବସ୍ଥା ସଙ୍କଟାପନ୍ନ ରହିଛି ।
ଅନ୍ୟପଟେ ବାରଦା ଗ୍ରାମ ସ୍କୁଲ ପଡ଼ିଆରେ ଏହି ବାଣ ବିସ୍ଫୋରଣ ଘଟିଥିବାବେଳେ କୌଣସି ଘରଦ୍ୱାର କିଛି କ୍ଷୟକ୍ଷତି ହୋଇନଥିବା ସୂଚନା ମିଳିଛି ।
ଏହି ଅଞ୍ଚଳରେ ଜଙ୍ଗଲୀ ବାରହା ମାନଙ୍କ ଉପଦ୍ରବ କରିଥିବାରୁ କିଛି ଯୁବକ ମାନେ ବାରାହା ଦାଉରୁ ଫସଲ ସୁରକ୍ଷା ନେଇ ଫୁଟାଇବାକୁ ଏହି ବାଣ ନେଇ ଯାଉଥିବା ବେଳେ ଅସାବଧାନତାବଶତଃ ଖସିପଡି ବିସ୍ଫୋରଣ ଘଟିଥିବା ସନ୍ଦେହ କରାଯାଇଛି ।
ତେବେ ଦୀପାବଳି ଅବସରରେ ବାଣ ଫୁଟାଇବା ଉପରେ କଡା କଟକଣା ରହିଥିବା ବେଳେ କିପରି ଓ କେଉଁ ପରିସ୍ଥିତିରେ ଏହି ବିସ୍ଫୋରଣ ଘଟିଲା ସେନେଇ ସଦର ଥାନା ପୋଲିସ ତଦନ୍ତ ଆରମ୍ଭ କରିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
