ଢେଙ୍କାନାଳ: ମୋବାଇଲ ଫୋନ ଚୋରି କରି ଧରାପଡିଲା ଚୋର । ସହରର ଭୁବନ ମାର୍କେଟରେ ଜଣେ ମୋବାଇଲ ଚୋରି କରୁଥିବା ଯୁବକକୁ କାବୁ କରି ପୋଲିସ ଜିମା ଦେଇଛନ୍ତି ସ୍ଥାନୀୟ ଲୋକ ।
ଭୁବନ ମାର୍କେଟରେ ଲୋକଙ୍କ ଚିନ୍ତା ବଢାଉ ଥିଲା ମୋବାଇଲ ଚୋର । ପ୍ରତିଦିନ ଚତୁରତାର ସହ ଚୋରି କରି ଖସି ଯାଉଥିଲା । ଲୁଟେରା ଜଣକ ହେଲା ଯାଜପୁର ଜିଲ୍ଲା ଡୁବୁରୀ ଥାନା ଅନ୍ତର୍ଗତ ସାରଙ୍ଗପୁର ଗ୍ରାମର ତୋଫାନି ପ୍ରଧାନ । ପୋଲିସ ବି ଏ ଲୁଟେରାର ଟେର ପାଉନଥିଲା । ତେବେ ଚୋରକୁ ଧରିବା ପାଇଁ ବ୍ୟବସାୟୀମାନ ଯୋଜନା କରି ସଫଳ ହେଇଛନ୍ତି ।
ରବିବାର ଲୁଟେରାକୁ କାବୁ କରିଛନ୍ତି ସ୍ଥାନୀୟ ଲୋକ । ଚୋରକୁ କାବୁ କରି ଏକ ଖୁଣ୍ଟରେ ବାନ୍ଧି ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଲୁଟେରାକୁ ଗିରଫ କିରିଛି । ସେ ଦାମି ଦାମି ମୋବାଇଲ ଚୋରି କରି ବାହାରେ ବିକ୍ରି କରୁଥିବାର ପୋଲିସ ପ୍ରାଥମିକ ତଦନ୍ତରୁ ସୂଚନା ମିଳିଛି । ତେବେ ଧରାପଡିଥିବା ଲୁଟେରା ସହ ଆଉ କିଏ ଏହି ରାକେଟରେ ଅଛି ପୋଲିସ ତଦନ୍ତ ଚଳାଇଛି ।
ଢେଙ୍କାନାଳରୁ ଉର୍ମିଳା ପାତ୍ର,ଇଟିଭି ଭାରତ
