ଢେଙ୍କାନାଳ: ପୁଅର ଘର ମଧ୍ୟପ୍ରଦେଶ ଓ ଝିଅର ଢେଙ୍କାନାଳ । ଉଭୟ ପ୍ରେମରେ ପଡି ବିବାହ କରିଥିଲେ । ହେଲେ ବିବାହର କିଛି ଦିନ ପରେ ନିଜ ଗାଁ ମଧ୍ୟପ୍ରଦେଶ ଯିବା ପାଇଁ ସ୍ବାମୀ ଜିଦି କରିଥିଲା । ଏଥିରେ ରାଜି ନହେବାରୁ ୭ମାସର ଗର୍ଭବତୀ ପତ୍ନୀକୁ ଅତି ନିର୍ମମ ଭାବେ ହତ୍ୟା କରିଥିଲା ସ୍ବାମୀ । ପତ୍ନୀ ଶୋଇଥିବା ଅବସ୍ଥାରେ ଟାଙ୍ଗିଆରେ ଗଳା କାଟି ହତ୍ୟା ପରେ ବିଶ୍ୱାସ ଘାତକ ଅଭିଯୁକ୍ତ ସ୍ୱାମୀ ନିଜ ଘର ମଧ୍ୟପ୍ରଦେଶକୁ ଫେରାର ହୋଇଯାଇଥିଲା ।
ଅଧିକ ପଢ଼ନ୍ତୁ: ଉତ୍ତରାଖଣ୍ଡରେ ପ୍ରବଳ ତୁଷାରପାତ, ଫସି ରହିଥିବା ୧୧ ବିଦେଶୀ ଟ୍ରେକର ଉଦ୍ଧାର କଲା SDRF ଟିମ
ଗତ ୨୦୧୬ ମସିହା ଜୁନ ୧୩ ତାରିଖରେ ଢେଙ୍କାନାଳ ସଦର ଥାନା ଅନ୍ତର୍ଗତ ସରଦେଇପୁରରେ ଘଟିଥିଲା ଏହି ଚାଞ୍ଚଲ୍ୟକର ହତ୍ୟାକାଣ୍ଡ । ସରଦେଇପୁରର ଖୁଲଣା ପ୍ରତିହାରୀ ନାମକ ଜଣେ ଗର୍ଭବତୀ ମହିଳା ଏହି ହତ୍ୟାକାଣ୍ଡର ଶିକାର ହୋଇଥିଲେ । ଢେଙ୍କାନାଳ ସଦର ଥାନା ଅଞ୍ଚଳରେ ଦିନ ମଜୁରିଆ ଭାବେ ରହୁଥିବା ମଧ୍ୟପ୍ରଦେଶର ରାମଜି ଅହୀରୱର ନାମକ ଜଣେ ଯୁବକଙ୍କ ସହ ଖୁଲଣାଙ୍କର ପରିଚୟ ହୋଇଥିଲା । ପ୍ରଥମେ ପ୍ରେମ ଓ ବିବାହ ପରେ ୭ମାସର ଗର୍ଭବତୀ ହୋଇଥିଲେ ଖୁଲଣା । ତେବେ ଖୁଲଣା ପୂର୍ବରୁ ବିବାହ କରିଥିବା ସନ୍ଦେହ କରିଥିଲା ରାମଜି । ଏପରିକି ତାଙ୍କୁ ମଧ୍ୟପ୍ରଦେଶ ନିଜ ଘରକୁ ଯିବା ପାଇଁ ବାଧ୍ୟ କରିଥିଲା । ମାତ୍ର ଖୁଲାଣା ରାଜି ନହେବାରୁ ଉଭୟଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ଏହାକୁ କେନ୍ଦ୍ରକରି ଅଭିଯୁକ୍ତ ନିଜ ପତ୍ନୀଙ୍କୁ ହତ୍ୟା କରିଥିଲା । ତେବେ ସମ୍ପର୍କରେ ତିକ୍ତତା ଯୋଗୁଁ ହତ୍ୟା କରିବାକୁ ବାଧ୍ୟ ହୋଇ ଫେରାର ହୋଇଯାଇଥିଲା ବୋଲି ଅଭିଯୁକ୍ତ ରାମଜି ଗିରଫ ପରେ ସ୍ୱୀକାର କରିଥିବା ଜଣାପଡ଼ିଛି ।
