ଢେଙ୍କାନାଳ: ଶନିବାର ଢେଙ୍କାନାଳରୁ ମାତ୍ର ୧୨ ଜଣ କୋରୋନା ସଂକ୍ରମିତ ଚିହ୍ନଟ ହୋଇଥିବାବେଳେ ସଂକ୍ରମିତଙ୍କ ସଂଖ୍ୟା କ୍ରମଶଃ କମିବାରେ ଲାଗିଛି । ଫଳରେ ପ୍ରଶାସନ ପକ୍ଷରୁ ମାଙ୍ଗଳିକ କାର୍ଯ୍ୟକ୍ରମ ଉପରେ କଟକଣା କୋହଳ କରାଯାଇଛି ।
ଢେଙ୍କାନାଳରେ କମୁଛି କୋରୋନା ସଂକ୍ରମଣ
ଏପରିସ୍ଥଳେ ସଂକ୍ରମଣ ଆଶଙ୍କାରେ ଦୀର୍ଘ ଦିନ ହେଲା ବିବାହ ଓ ବ୍ରତଘର ଆଦି ମାଙ୍ଗଳିକ କାର୍ଯ୍ୟ ଉପରେ ଜାରି କରାଯାଇଥିବା କଡା କଟକଣା ଉପରେ ସାମାନ୍ୟ କୋହଳ କରାଯାଇଛି । ଏପରିକି ମାଙ୍ଗଳିକ କାର୍ଯ୍ୟରେ କୋଭିଡ ନୀତିନିୟମ ମୁତାବକ ଶହେ ଜଣ ସାମିଲ ହୋଇପାରିବେ ବୋଲି ଢେଙ୍କାନାଳ ଜିଲ୍ଲାପାଳଙ୍କ ପକ୍ଷରୁ ଘୋଷଣା କରାଯାଇଛି ।
ଏ ସମ୍ପର୍କରେ ସମସ୍ତ ତହସିଲ ଅଫିସ ଓ ପୋଲିସ ଥାନାମାନଙ୍କୁ ସୂଚନା ଦେଇଥିବା ସହ ମାଙ୍ଗଳିକ କାର୍ଯ୍ୟ ପାଇଁ ଅନୁମତି ଦେବାକୁ ଜିଲ୍ଲାପାଳଙ୍କ ପକ୍ଷରୁ ସୂଚନା ଦିଆଯାଇଥିବା ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
