ଢେଙ୍କାନାଳ: ଜିଲ୍ଲାରେ ଲିକ୍ୟୁଡ଼ ଅକ୍ସିଜେନ ସଂରକ୍ଷଣ ପ୍ଲାଣ୍ଟର ଭିତ୍ତିପ୍ରସ୍ତର ସ୍ଥାପନ ହୋଇଛି । ଭିଡିଓ କନଫରେନ୍ସିଂ ମାଧ୍ୟମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିତ୍ତିପ୍ରସ୍ତର ସ୍ଥାପନ କରିଛନ୍ତି । ଏହାଦ୍ବାରା ଜିଲ୍ଲାବାସୀ ଉପକୃତ ହେବେ ବୋଲି ମୁଖ୍ୟମନ୍ତ୍ରୀ କହିଛନ୍ତି ।
ଜିଲ୍ଲା ମୁଖ୍ୟ ଡାକ୍ତରଖାନାର ପୁରୁଣା ବିଲ୍ଡିଂରେ ୬ ହଜାର ଲିଟର ବିଶିଷ୍ଟ ଏହି ମେଡିକାଲ ଲିକ୍ୟୁଡ଼ ଅକ୍ସିଜେନ ସଂରକ୍ଷଣ ପ୍ଲାଣ୍ଟ ନିର୍ମାଣ ହେବାକୁ ଯାଉଛି । ଆଜି(ଶୁକ୍ରବାର) ଭିଡିଓ କନଫରେନ୍ସି ମାଧ୍ୟମରେ ମୁଖ୍ୟମନ୍ତ୍ରୀ ଏହାର ଭିତ୍ତିପ୍ରସ୍ତର ସ୍ଥାପନ କରିଛନ୍ତି । ଏହି ଉପଲକ୍ଷେ ଜିଲ୍ଲା ମୁଖ୍ୟ ଡାକ୍ତରଖାନାରେ ଆୟୋଜିତ ଉତ୍ସବରେ ଢେଙ୍କାନାଳ ସାଂସଦ ମହେଶ ସାହୁ, ବିଧାୟକ ସୁଧୀର ସାମଲ , ବିଧାୟିକା ସୀମା ରାଣୀ ନାୟକ , ଜିଲ୍ଲାପାଳ ଭୁମେଶ ଚନ୍ଦ୍ର ବେହେରା ଓ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡା. ସୁଜାତରାଣୀ ମିଶ୍ର ପ୍ରମୁଖ ସାମିଲ ଥିଲେ ।
ଏହି ଅକ୍ସିଜେନ ସଂରକ୍ଷଣ ପ୍ଲାଣ୍ଟ ଜିଲ୍ଲାର ସମସ୍ତ ଡାକ୍ତରଖାନାକୁ ଯଥେଷ୍ଟ ପରିମାଣରେ ଅକ୍ସିଜେନ ଯୋଗା ଯାଇପାରିବ ବୋଲି ପ୍ରକାଶ କରିଛନ୍ତି ଜିଲ୍ଲାପାଳ ଓ ବିଧାୟକ । ତେବେ ପ୍ଲାଣ୍ଟ ନିର୍ମାଣ ହେବା ପରେ ଜିଲ୍ଲାବାସୀ ଉପକୃତ ହେବେ ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
