ଢେଙ୍କାନାଳ: ରୋଡ୍ରୋମିଓକୁ ଲୋକେ ଦେଲେ ଶାସ୍ତି । ବିଦ୍ୟୁତ୍ ଖୁଣ୍ଟରେ ବାନ୍ଧିବା ସହ ପିନ୍ଧାଇଲେ ଚପଲ ମାଳ। ଢେଙ୍କାନାଳର ଜିଲ୍ଲାର ରାସୋଳ ବେଡାପଡା ଗ୍ରାମର ଜଣେ ନବମ ଶ୍ରେଣୀ ଛାତ୍ରୀକୁ ବାରମ୍ବାର ଦୁର୍ବ୍ୟବହାର କରିବାରୁ ଯୁବକ ସହ ସ୍ଥାନୀୟ ଲୋକେ ଏପରି କରିଛନ୍ତି। ଯାହାର ଭିଡିଓ ଭାଇରାଲ ହେବାରେ ଲାଗିଛି।
ନାବାଳିକାକୁ ଦୁର୍ବବ୍ୟବହାର ପଡିଲା ମହଙ୍ଗା, ଯୁବକକୁ ବିଦ୍ୟୁତ ଖୁଣ୍ଟରେ ବାନ୍ଧି ଜୋତାମାଳ ପିନ୍ଧାଇଲେ ଲୋକେ
ଅଭିଯୁକ୍ତ ଯୁବକ ଜଣଙ୍କ ବାରମ୍ବାର ଉକ୍ତ ଛାତ୍ରୀଙ୍କୁ ଦୁର୍ବ୍ୟବହାର କରୁଥିଲା। ଯେଉଁଥିରେ ଅତିଷ୍ଠ ହୋଇ ଗାଁ ଲୋକେ ଯୁବକ ସହ ଏପରି ବ୍ୟବହାର କରିଛନ୍ତି। ତାକୁ ବିଦ୍ୟୁତ ଖୁଣ୍ଟରେ ବାନ୍ଧିବା ସହ ଚପଲ ମାଳ ପିନ୍ଧାଇ ଡାଲା ଅଟୋରେ ଗାଁରେ ବୁଲାଇଥିଲେ। ପରେ ତାକୁ ପୋଲିସ ଜିମାରେ ଦେଇଥିଲେ। ଏ ଘଟଣାରେ ପୋଲିସ ଦଫାରଫା କରିଥିବା ଜଣାପଡିଛି।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
