ଢେଙ୍କାନାଳ: ଏନଏଚ ୫୫ର ଢେଙ୍କାନାଳ ଜିଲ୍ଲା ମୋଟଙ୍ଗା ଥାନା ଅନ୍ତର୍ଗତ ବିଆରଜି କାରଖାନା ନିକଟରେ ଘଟିଛି ମର୍ମନ୍ତୁଦ ସଡକ ଦୁର୍ଘଟଣା । ଅନୁଗୁଳ ଆଡକୁ ପରିବା ପାଇଁ ଯାଉଥିବା ଏକ ଟାଟା ଏସି ଗାଡିକୁ ଏକ ଟ୍ରକ ଧକ୍କା ଦେଇଛି । ଫଳରେ ଟାଟା ଏସି ଗାଡିରେ ଥିବା ଜଣେ ପରିବା ବେପାରୀଙ୍କର ଘଟଣା ସ୍ଥଳରେ ମୃତ୍ୟୁ ଘଟିଛି ।
ମର୍ମନ୍ତୁଦ ଦୁର୍ଘଟଣାରେ ଜଣେ ମୃତ ଅନ୍ୟଜଣେ ଗୁରୁତର
ଅପରପକ୍ଷରେ ଟାଟା ଏସି ଗାଡିର ଡ୍ରାଇଭର ଗୁରୁତର ହୋଇଛନ୍ତି । ୧୦୮ ଆମ୍ବୁଲାନ୍ସ ପଞ୍ଚିବା ପୋଲିସ ସହାୟତାରେ ଗୁରୁତରଙ୍କୁ ଉଦ୍ଧାର କରି ଢେଙ୍କାନାଳ ମୁଖ୍ୟ ଡାକ୍ତରଖାନରେ ଭର୍ତ୍ତି କରିଛି । ମୃତକ ଜଣଙ୍କ ମୋଟଙ୍ଗା ଥାନା ଅନ୍ତର୍ଗତ ଗୋଡି ଡ଼ିହି ଗ୍ରାମର ପରିବା ବେପାରୀ ରମେଶ ସାହୁ ବୋଲି ଜଣାପଡିଛି।
ମୋଟଙ୍ଗା ପୋଲିସ ଦୁର୍ଘଟଣାଗସ୍ତ ଗାଡିକୁ ଜବତ କରିବା ସହ ମୃତଦେହ ବ୍ୟବଛେଦ ପାଇଁ ପଠାଇଛି।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
