ଢେଙ୍କାନାଳ: ପୁଣି ଅଲୋଡା ଶିଶୁକନ୍ୟା । ଢେଙ୍କାନାଳ ଜିଲ୍ଲା ଭୁବନ ବିଜ୍ଞାପିତ ପରିଷଦ 1ନମ୍ବର ୱାର୍ଡ ଗୋଡିପୋଖରରୀରେ ନବଜାତ ଶିଶୁକନ୍ୟାର ମୃତଦେହ ଭାସୁଥିବାର ଦେଖିବାକୁ ମିଳିଛି ।
ସୂଚନାଅନୁସାରେ, ଗୋଡିଆ ପୋଖରୀକୁ ଗାଧୋଇବାକୁ ଯାଇଥିବା କିଛି ଲୋକ ନବଜାତ ଶିଶୁକନ୍ୟାର ମୃତଦେହ ଭାସୁଥିବାର ଦେଖିବାକୁ ପାଇଥିଲେ । ଶିଶୁକନ୍ୟାଟି କାହାର ଓ ସେହି ସ୍ଥାନକୁ କିପରି ଆସିଲା ସେ ବିଷୟରେ କିଛି ସୂଚନା ମିଳି ପାରିନାହିଁ । କେହି ଅବୈଧ୍ୟ ଗର୍ଭପାତ ହେଉ କିମ୍ବା ବେଆଇନ ଭାବେ ଲିଙ୍ଗ ନିରୂପଣରୁ କନ୍ୟା ସନ୍ତାନ ଜନ୍ମହେବା ଜାଣିପାରି ବେଆଇନ ଗର୍ଭପାତ ପରେ ପୋଖରୀରେ ଫୋପାଡ଼ି ଦେଇଥିବା ଅନୁମାନ କରାଯାଇଛି ।
ଘଟଣା ବିଷୟରେ ଲୋକମାନେ ପୋଲିସକୁ ଖବର ଦେବା ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଛି । ଏପରି ଅଭାବନୀୟ କାର୍ଯ୍ୟରେ ଯେଉଁମାନେ ସଂପୃକ୍ତ ରହିଛନ୍ତି ସେମାନଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ନେବା ପାଇଁ ଅଞ୍ଚଳବାସୀଙ୍କ ପକ୍ଷରୁ ଦାବି କାରାଯାଇଛି ।
କନ୍ୟାହତ୍ୟା ଏକ ଜଘନ୍ୟ ଅପରାଧ । ଏହା ଜାଣିବା ପରେ ବି ଅଲୋଡା ହୋଇଛନ୍ତି ଶିଶୁକନ୍ୟା। ଲୋକଙ୍କୁ ସେଚତନ କରିବା ପାଇଁ ସରକାରଙ୍କ ପକ୍ଷରୁ ବିଭିନ୍ନ ସଚେତନ କାର୍ଯ୍ୟକ୍ରମ ଜାରି ରହିଥିଲେ ବି ଢେଙ୍କାନାଳ ଜିଲ୍ଲା ଭୁବନ ଅଞ୍ଚଳରେ ଏହାର ବ୍ୟତିକ୍ରମ ହୋଇଥିବା ଦେଖିବାକୁ ମିଳିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
