ଢେଙ୍କାନାଳ : କାମାକ୍ଷାନଗର ଥାନା କାମର୍ଦା ଗ୍ରାମରେ ଘଟିଛି ଭୟାବହ ଅଗ୍ନିକାଣ୍ଡ l ଏହି ଅଗ୍ନିକାଣ୍ଡରେ ୫ ବଖରା ଘର ସହ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ ହୋଇଯାଇଛି l ସୂଚନା ଅନୁସାରେ ଆଜି ଅପରାହ୍ନ ସମୟରେ ଗ୍ରାମର ପ୍ରମୋଦ ସାହୁଙ୍କ ଘରେ ପ୍ରଥମେ ନିଆଁ ଲାଗିଥିଲା । ଅଗ୍ନିକାଣ୍ଡର ପ୍ରକୋପ ଏତେ ଜୋର ଥିଲା ଯେ ଚାହୁଁ ଚାହୁଁ ତାଙ୍କର ୫ ବଖରା ଘରକୁ ନିଆଁ ବ୍ୟାପିଯାଇଥିଲା।
କାମାକ୍ଷାନଗରରେ ଅଗ୍ନିକାଣ୍ଡ, ଜଳିଗଲା ପାଞ୍ଚ ବଖରା
ଘର ଭିତରେ ଥିବା ସମସ୍ତ ଜିନିଷ ପତ୍ରରୁ କିଛି ବି ଉଦ୍ଧାର କରିବା ସମ୍ଭବ ହୋଇ ପାରିନାହିଁ । ଘରର ସମସ୍ତ ଆସବାପତ୍ର ସହ ଧାନ ଚାଉଳ ମୁଗ ବିରି ଆଦି ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ ହୋଇଯାଇଛି l ଖବର ପାଇ କାମାକ୍ଷାନଗର ଅଗ୍ନିଶମବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିବା ଜଣାପଡ଼ିଛି । ଫଳରେ ଗ୍ରାମର ଅନ୍ୟ ଘର ସବୁ ଅଗ୍ନିକାଣ୍ଡରୁ ବର୍ତ୍ତି ଯାଇଛି । ଅଗ୍ନିକାଣ୍ଡର ସଠିକ କାରଣ ଏପର୍ଯ୍ୟନ୍ତ ଜଣାପଡିନାହିଁ ।
ଢେଙ୍କାନାଳରୁ ଉର୍ମିଳା ପାତ୍ର , ଇଟିଭି ଭାରତ
