ଢେଙ୍କାନାଳ: ବିନା ଟ୍ରେନଂରେ ଶିଖୁଥିଲେ କାର । ଆଉ ଶିଖୁ ଶିଖୁ କାର ଚଢାଇ ଦେଲେ ଲୋକଙ୍କ ଉପରେ । ଏପରି ଅଭାବନୀୟ ଦୁର୍ଘଟଣା ଘଟିଛି ଢେଙ୍କାନାଳ ଜିଲ୍ଲା ତୁମୁସିଂହା ଥାନା ଅନ୍ତର୍ଗତ କନ୍ତିଓକାଟେଣି ଗ୍ରାମରେ । କିଛି ଶ୍ରମିକ କାମ କରିବାକୁ ଯାଉଥିବା ବେଳେ ତାଙ୍କ ଉପରେ ଏହି କାର ଚଢିଯାଇଛି ।
ଶିଖୁଥିଲେ କାର ଡ୍ରାଇଭ: ଚଢାଇ ଦେଲେ ଲୋକଙ୍କ ଉପରେ, ୩ ଶ୍ରମିକ ଗୁରୁତର
ଘଟଣା ସ୍ଥଳରେ ୩ ଜଣ ଶ୍ରମିକ ଗୁରୁତର ହୋଇଥିବା ବେଳେ ଅନ୍ୟମାନେ ସୌଭାଗ୍ୟ ବଶତଃ ଏହି ଦୁର୍ଘଟଣାରୁ ବର୍ତ୍ତି ଯାଇଛନ୍ତି । ଗୁରୁତର ଅବସ୍ଥାରେ ସେମାନଙ୍କୁ ଚିକିତ୍ସା ପାଇଁ ଢେଙ୍କାନଳ ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଗୁରୁତର ଶ୍ରମିକ ମାନେ କନ୍ତିଓକାଟେଣୀ ଗ୍ରାମର ରୋହିତ ମଲ୍ଲିକ, ପଙ୍କଜ ରାଉତ ଓ କୁକୁନା ମଲ୍ଲିକ ବୋଲି ଜଣାପଡିଛି । ସେମାନଙ୍କ ଅବସ୍ଥା ସଙ୍କଟାପନ୍ନ ହୋଇଥିବାରୁ ସେମାନଙ୍କୁ କଟକ ଏସସିବିକୁ ସ୍ଥାନାନ୍ତରିତ କରାଯାଇଛି।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
