ଢେଙ୍କାନାଳ: କୋରୋନା ମହାମାରୀର ମୁକାବିଲା ପାଇଁ ଜୋରସୋର ପ୍ରସ୍ତୁତି ଆରମ୍ଭ କରିଛି ଢେଙ୍କାନାଳ । ଜିଲ୍ଲାରେ ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଥିବାରୁ ଏହାର ମୁକାବିଲା ପାଇଁ ଜିଲ୍ଲାରେ ଖୋଲିଛି ଆଉ ଏକ କୋଭିଡ ହେଲଥ ସେଣ୍ଟର । ପୂର୍ବରୁ ଜିଲ୍ଲାରେ 200 ଶଯ୍ୟା ବିଶିଷ୍ଟ କୋଭିଡ ହସ୍ପିଟାଲ ଖୋଲିଥିବା ବେଳେ ଜିଲ୍ଲାରେ ବଢୁଥିବା ସଂକ୍ରମିତ ସଂଖ୍ୟା ପାଇଁ ଏହା ନିଅଣ୍ଟିଆ ହୋଇ ପଡିଛି । ଏଥିପାଇଁ ଆଉ ଏକ କୋଭିଡ ହେଲଥ ସେଣ୍ଟରର ପ୍ରତିଷ୍ଠା ହୋଇଥିବା ଜଣା ପଡିଛି ।
ଜିଲ୍ଲାରେ କୋରୋନା ଚିକିତ୍ସା ପାଇଁ ସରକାରଙ୍କ ପକ୍ଷରୁ ଗୋବିନ୍ଦପୁରସ୍ଥିତ କଳିଙ୍ଗ ଚକ୍ଷୁ ରିସର୍ଚ୍ଚ ସେଣ୍ଟରଠାରେ ପୁଣି 200 ଶଯ୍ୟା ବିଶିଷ୍ଟ କୋଭିଡ କେୟାର ସେଣ୍ଟର ପ୍ରସ୍ତୁତ କରାଯାଇଛି । ଏହାକୁ ଜିଲ୍ଲାପାଳ ଭୂମେଶ ଚନ୍ଦ୍ର ବେହେରା ଶନିବାର ଉଦ୍ଘାଟନ କରିଛନ୍ତି । ଏହି ଉଦ୍ଘାଟନୀ ଅବସରରେ ଢେଙ୍କାନାଳ ପିଡିଡିଆରଡିଏ ନରୋତ୍ତମ ବେହେରା ଓ ଢେଙ୍କାନାଳ ସିଡିଏମଓ ଡ଼ଃ ସୁଜାତା ମିଶ୍ର ପ୍ରମୁଖ ସରକାରୀ ପଦାଧିକାରୀମାନେ ଉପସ୍ଥିତ ଥିଲେ ।
ତେବେ କୋରୋନା ସଂକ୍ରମିତମାନଙ୍କୁ ଏହି କୋଭିଡ କେୟାର ହେଲଥ ସେଣ୍ଟରରେ ରଖାଯିବ ବୋଲି ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
