ଢେଙ୍କାନାଳ ଆରଟିଓ ଅଫିସରୁ 2 ଦଲାଲ ଗିରଫ

ଓଡିଶାରେ ଚାଲିଛି ଦଲାଲ ଦମନ । ଏନେଇ ରାଜ୍ୟର ପ୍ରାୟ ସମସ୍ତ ଆରଟିଓ ଅଫିସରେ ପୋଲିସ ଚଢାଉ ଜାରି ରଖିଛି । ତେବେ ଆଜି ଢେଙ୍କାନାଳ ଜିଲ୍ଲାର ଆଞ୍ଚଳିକ ପରିବହନ କାର୍ଯ୍ୟାଳୟରେ ଟାଉନ ପୋଲିସ ଚଢାଉ କରି 2 ଦଲାଲଙ୍କୁ ଗିରଫ କରାଯାଇଛି ।

ଅନୁଗୋଳ: ଢେଙ୍କାନାଳ ଜିଲ୍ଲା ଆଞ୍ଚଳିକ ପରିବହନ କାର୍ଯ୍ୟାଳୟରେ ଟାଉନ ପୋଲିସର ଚଢାଉ । ସେଠାରୁ 2ଜଣ ଦଲାଲଙ୍କୁ ଗିରଫ କରାଯାଇଛି । ଦଲାଲ 2 ଜଣଙ୍କ ନାଁ ବିନୟ କୁମାର ଦାସ ଓ ଅନ୍ତର୍ଯ୍ୟାମୀ ସାହୁ ବୋଲି ଜଣାପଡିଛି ।

ଗିରଫ ଦଲାଲମାନେ ଦୀର୍ଘଦିନ ଧରି କାର୍ଯ୍ୟାଳୟରେ ଦଲାଲି କରୁଥିଲେ । ଜିଲ୍ଲା ଏସପିଙ୍କ ନିର୍ଦ୍ଦେଶକ୍ରମେ ଟାଉନ ଥାନା ଅଧିକାରୀ ଜ୍ଞାନ ରଞ୍ଜନ ସାମଲଙ୍କ ଦ୍ଵାରା ଏହି ଚଢାଉ କରାଯାଇଥିଲା । କାର୍ଯ୍ୟାଳୟକୁ ଦଲାଲ ମୁକ୍ତ କରାଯିବା ପାଇଁ ଆଗାମୀ ଦିନରେ ପୋଲିସ ଚଢାଉ ଜାରି ରହିବ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ