ଦେବଗଡ଼: ଦେବଗଡ଼ରୁ କୁଚିଣ୍ଡା ଅଭିମୁଖେ ଯାଇଥିବା 53 ନମ୍ବର ଜାତୀୟ ରାଜପଥ କରଡ଼ାପାଲ ଠାରେ ମର୍ମନ୍ତୁଦ ସଡ଼କ ଦୁର୍ଘଟଣା । ଫଳରେ ଘଟଣାସ୍ଥଳରେ 2 ଜଣ ବାଇକ ଆରୋହୀ ମୃତ୍ୟୁବରଣ କରିଥିବା ଜଣାପଡ଼ିଛି । ମୃତକ 2 ଜଣ ହେଲେ ଦେବଗଡ଼ ପୌରାଞ୍ଚଳ ନ୍ୟୁ କଲୋନୀର ଶ୍ରବଣ ନନ୍ଦ (୨୩) ଓ ବାବୁସାହିର ରିକନ ପ୍ରଧାନ (24) ।
ସୂଚନା ଅନୁଯାୟୀ , ଗତକାଲି ରାତି 11 ଟା ସମୟରେ ଦେବଗଡ଼ରୁ ଏକ ପଲସର ବାଇକ ଯୋଗେ କୁଚିଣ୍ଡା ଅଭିମୁଖେ ଯାଉଥିବା ବେଳେ କରଡ଼ାପାଳ ନିକଟରେ ରାସ୍ତା ଉପରେ ଛିଡା ହୋଇଥିବା ଏକ ଟ୍ରକ ସହିତ ବାଇକଟି ମୁହାଁମୁହିଁ ଧକ୍କା ହୋଇଥିଲା । ଘଟଣା ସ୍ଥଳରେ 2 ଜଣ ବାଇକ ଆରୋହୀଙ୍କ ମୃତ୍ୟୁ ହୋଇଥିଲା ।
ସୂଚନା ପାଇ ଦେବଗଡ଼ ପୋଲିସ ମୃତଦେହ ଉଦ୍ଧାର କରିବା ସହ ବ୍ୟବଛେଦ ପାଇଁ ପଠାଇଛି । ତେବେ ଦୁର୍ଘଟଣାର ସଠିକ କାରଣ ଜଣାପଡୁନଥିବା ବେଳେ ପୋଲିସ ପକ୍ଷରୁ ତଦନ୍ତ ଜାରି ରହିଛି ।
ଦେବଗଡ଼ରୁ ସରୋଜ ଶତପଥି, ଇଟିଭି ଭାରତ
