ଦେବଗଡ଼: ବାରକୋଟ ରେଞ୍ଜ ଅଧିନ ଭକ୍ତବଡ଼କୁଦର ଗାଁରେ ହାତୀ ଆକ୍ରମଣରେ ଜଣେ ମହିଳାଙ୍କ ମୃତ୍ୟୁ ହୋଇଛି । ମୃତ ମହିଳା ଜଣକ ରମ୍ଭା ନାୟକ(40) ବୋଲି ଜଣାପଡିଛି ।
ହାତୀ ଆକ୍ରମଣରେ ମହିଳା ମୃତ, ଲୋକେ ଆତଙ୍କିତ
ସୂଚନାଯୋଗ୍ୟ, ଭକ୍ତବଡ଼କୁଦର ଗାଁର ରମ୍ଭା ନାଏକ ଗୁରୁବାର(ଆଜି) ଭୋରରୁ ଶୌଚ ପାଇଁ ଜଙ୍ଗଲକୁ ଯାଇଥିବାବେଳେ ଏକ ଦନ୍ତାହାତୀ ଆକ୍ରମଣ କରିଥିଲା । ଏହାପରେ ତାଙ୍କୁ ଗୁରୁତର ଅବସ୍ଥାରେ ବାରକୋଟ ଡାକ୍ତରଖାନାକୁ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ବାରକୋଟ ରେଞ୍ଜ ଅଧିନ ଭକ୍ତବଡ଼କୁଦର ଗାଁ ଓ ଆଖପାଖ ଅଞ୍ଚଳରେ ଗତ କିଛିଦିନ ହେଲା ଏକ ଦନ୍ତାହାତୀ ଆସି ନାନା ଉପଦ୍ରବ କରିଚାଲିଛି । ଏହି ଦନ୍ତା ହାତୀକୁ ନିୟନ୍ତ୍ରଣ କରିବାରେ ଏପର୍ଯ୍ୟନ୍ତ ବନବିଭାଗ ସଫଳ ହୋଇପାରିନାହିଁ । ଫଳରେ ସ୍ଥାନୀୟ ଲୋକଙ୍କ ମଧ୍ୟରେ ଏନେଇ ତୀବ୍ର ଅସନ୍ତୋଷ ପ୍ରକାଶ ପାଇଛି ।
ଦେବଗଡ଼ରୁ ସରୋଜ ଶତପଥୀ, ଇଟିଭି ଭାରତ
