ଦେବଗଡ଼: ବାତ୍ୟା ୟସର ପ୍ରଭାବରେ ଦେବଗଡ଼ ଜିଲ୍ଲାରେ ଦୁଇଦିନ ଧରି ଲଗାଣ ବର୍ଷା ଫଳରେ ବ୍ୟାପକ ଧାନ ଚାଷ ନଷ୍ଟ ହୋଇଯାଇଛି । ଠିକ୍ ରବି ଋତୁ ଧାନ ଅମଳ ସମୟରେ ବାତ୍ୟା ଚାଷୀଙ୍କୁ କ୍ଷତିରେ ପକାଇଛି । ସଠିକ୍ ଆକଳନ କରାଯାଇ କ୍ଷତିଗ୍ରସ୍ତ ଚାଷୀଙ୍କୁ 7ତିପୂରଣ ଯୋଗାଇ ଦେବାକୁ ଚାଷୀମାନେ ଦାବି କରିଛନ୍ତି ।
ଚାଷୀଙ୍କ ଅଣ୍ଟା ଭାଙ୍ଗିଦେଇଛି ବାତ୍ୟା ୟସ, କ୍ଷତିପୂରଣ ପାଇଁ ଦାବି
ବାତ୍ୟା ୟସର ପ୍ରଭାବରେ ଦେବଗଡ଼ ଜିଲ୍ଲାରେ ଗତ ଦୁଇଦିନ ଧରି ଜାରି ରହିଥିଲା ଲଗାଣ ବର୍ଷା । ଏହି ଲଗାଣ ବର୍ଷା ଫଳରେ ଜିଲ୍ଲାରେ ବ୍ୟାପକ ଧାନ ଫସଲ ନଷ୍ଟ ହୋଇଥିବା ଜଣାପଡିଛି । ବିଶେଷ କରି ଜିଲ୍ଲାର ଗୋହିରା ଆୟକଟ ଅଞ୍ଚଳ ତଥା ଦୁଧିଆନାଳି, ତେନ୍ତଳା ବାହାଳ, ତାଳକୁଣ୍ଡି ଓ ତାବଡା ଆଦି ପଞ୍ଚାୟତର ବିଭିନ୍ନ ଅଞ୍ଚଳରେ ଧାନ ଅମଳ ହେବାକୁ ବସି ଥିବାବେଳେ ଚାଷୀମାନେ ଧାନ କାଟି କ୍ଷେତରେ ଜମାକରି ରଖିଥିଲେ । ଅଳ୍ପ କିଛି ଅଞ୍ଚଳରେ ଚାଷୀ ଅମଳ କରିଥିବା ଧାନକୁ ନିଜନିଜ ଘରକୁ ଆଣିଥିଲେ ।
