କଟକ: ଭେଇକିଲ ଅଣ୍ଡର ପାସ ନିର୍ମାଣ ନେଇ ସାଧାରଣ ଗମନାଗମନ ଉପରେ କଟକଣା ଲଗାଇଛି ସିଏମସି । ଓଡ଼ିଶା ଅର୍ବାନ ପୋଲିସ ଆକ୍ଟ 2003 ଧାରା 28 ଏବଂ କମିଶନରେଟ ପୋଲିସ କଟକ ଓ ଭୁବନେଶ୍ବର ପବ୍ଲିକ ଅର୍ଡର 2008 ଧାରା 36 ଅନୁସାରେ ଏହି ପାସ ନିର୍ମାଣ କରାଯାଉଛି । ଏଥିପାଇଁ ଯାନବାହାନ ଚଳାଚଳ ଉପରେ କଟକଣା ଲଗାଯାଇଛି ।
କଟକ 16 ନମ୍ବର ଜାତୀୟ ରାଜପଥ ଶିଖରପୁରରର ଭେଇକିଲ ଅଣ୍ଡର ପାସ ନିର୍ମାଣ ହେଉଥିବାରୁ ଯାତ୍ରୀ ମାନଙ୍କ ଗମନାଗମନ ଉପରେ କମିଶନରେଟ ପୋଲିସ କଟକଣା ଲଗାଇଛି । ଓମପି ଆଡୁ ଆସୁଥିବା ସମସ୍ତ ଯାନ ବାହାନ ଶିଖରପୁର ଛକର 400 ମିଟର ପୂର୍ବରୁ ସର୍ଭିସ ରୋଡ଼ ଦେଇ ମୁଖ୍ୟ ରାଜପଥରେ ପହଞ୍ଚି ପାରିବେ । ସେହିପରି ଯୋବ୍ରାରୁ ଜଗତପୁର ଆଡ଼କୁ କିମ୍ବା ଓମପି ଆଡ଼କୁ ଆସିଲା ବେଳେ କାଳିଆବୋଦା ଭେଇକିଲ ଅଣ୍ଡର ପାସ ଦେଇ ପାର୍ଶ୍ଵରେ ଥିବା ସର୍ଭିସ ରୋଡ଼ରେ ଯିବା ପାଇଁ ବ୍ୟବସ୍ଥା କରାଯାଇଛି ।
ଏହିପରି ଅନେକ ନିୟମାବଳୀ କମିଶନରେଟ ପୋଲିସ ପକ୍ଷରୁ ଜାରି କରଯାଇଛି । ତେବେ ଏହି ନିୟମ 180 ଦିନ ପର୍ଯ୍ୟନ୍ତ ବଳବତ୍ତର ରହିବ । ଆଜି ଠାରୁ (ଶୁକ୍ରବାର) ଆରମ୍ଭ କରି ସେପ୍ଟେମ୍ବର 13 ପର୍ଯ୍ୟନ୍ତ ଏହି କଟକଣା ରହିବ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
