କଟକ: କୁଖ୍ୟାତ ଲୁଟେରା ଜଗା ଓ ନାରଦ ଗିରଫ । ଲୁଟ ଘଟଣାରେ ଉଭୟଙ୍କୁ ଆଜି(ରବିବାର) ଗିରଫ କରିଛି ଚୌଦ୍ୱାର ଥାନା ପୋଲିସ । ଗିରଫ ସମୟରେ ଦୁଇଟି ସୁନା ଚେନ ଓ ଏକ ଗାଡି ଜବତ କରିଛି ପୋଲିସ ।
ସୂଚନା ମୁତାବକ, ଗତ 14 ତାରିଖରେ ସୁଚିତ୍ରା ମହାନ୍ତି ଏବଂ ତାଙ୍କ ସ୍ୱାମୀ ଇମ୍ଫା ପମ୍ପ ହାଉସ ଦେଇ ଚସପଡା ଯାଉଥିଲେ । ଏହି ସମୟରେ ହଠାତ୍ ଦୁଇ ଜଣ ବ୍ୟକ୍ତି ବାଇକରେ ଆସି ସୁଚିତ୍ରାଙ୍କ ବେକରୁ ସୁନାଚେନ ଲୁଟି ନେଇଥିଲେ । ଉଭୟଙ୍କୁ ପିଛା କରିବା ପରେ ମଧ୍ୟ ସେ ବାଇକ ଧରି ଉକ୍ତ ଅଞ୍ଚଳରୁ ଫେରାର ହୋଇଯାଇଥିଲେ । ଘଟଣାକୁ ନେଇ ଚୌଦ୍ୱାର ଥାନାରେ ମାମଲା ହେବା ପରେ ଆଜି ଉଭୟଙ୍କୁ ଗିରଫ କରି କୋର୍ଟଚାଲାଣ କରିଛି ପୋଲିସ । ତେବେ ଉଭୟଙ୍କ ନାଁରେ କଟକର ବିଭିନ୍ନ ଥାନାରେ ମାମଲା ଥିବା ଜଣାପଡିଛି ।
ଇଟିଭି ଭାରତ, କଟକ
