କଟକ: ଗିରଫ ହେଲା ନିଶାସକ୍ତ ଡ୍ରାଇଭର । ଗିରଫ ହୋଇଥିବା ଡ୍ରାଇଭର ହେଉଛନ୍ତି ଅବସରପ୍ରାପ୍ତ ଆଡିସନାଲ ଏସପିଙ୍କ ପୁଅ ।
ଗିରଫ ହେଲେ ଅବସରପ୍ରାପ୍ତ ଆଡିସନାଲ ଏସପିଙ୍କ ପୁଅ
ସୂଚନା ଯୋଗ୍ୟ, ରବିବାର କଟକ ମାତାମଠ ନିକଟରେ ଏକ କାର ଦ୍ରୁତ ଗତିରେ ଆସି ଏକ ଅଟୋକୁ ପଛପଟୁ ଧକ୍କା ଦେଇଥିଲା । ଏହି ଦୁର୍ଘଟଣାରେ ଅଟୋରେ ଥିବା 2ଶିଶୁଙ୍କ ସମେତ 6 ଜଣ ଗୁରୁତର ହୋଇ ଏସସିବିରେ ଚିକିତ୍ସିତ ହେଉଛନ୍ତି ।
କାର୍ ଭିତରୁ ମଦ ବୋତଲ ବାହାରିବା ସହ ପ୍ରଚୁର ମଦ୍ୟପାନ କରି ଦ୍ରୁତ ଗତିରେ ଗାଡି ଚଳାଉଥିଲେ ଅବସରପ୍ରାପ୍ତ ପୋଲିସ ବାବୁଙ୍କ ମାତାଲ ପୁଅ ଅଙ୍କିତ ପରିଡା । ତେବେ ପୋଲିସ ଅଙ୍କିତଙ୍କୁ ଗିରଫ କରି ସୋମବାର କୋର୍ଟ ଚାଲାଣ କରିଥିବା କଟକ ଡିସିପି କହିଛନ୍ତି । ଅନ୍ୟପଟେ ଆହତ ହୋଇଥିବା ସମସ୍ତଙ୍କ ଅବସ୍ଥା ସ୍ଥିର ଥିବା ଡିସିପି ସୂଚନା ଦେଇଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
