କଟକ: ଆସୁଛି ପାର୍ବଣ ଋତୁ । ଧରାପୃଷ୍ଠରେ ଅବତରଣ କରିବେ ମା’ ଦୁର୍ଗା । ଏନେଇ ଏବେଠୁ ଚଳଚଞ୍ଚଳ ହୋଇ ଉଠିଲାଣି ସିଲଭରସିଟି କଟକ । ମା ଦୁର୍ଗାଙ୍କ ଆଗମନ ପାଇଁ ଦେବୀଗଡାରୁ ଆଜି ମାଟି ଉଠିଛି । ନିୟମ ଅନୁସାରେ ଗତକାଲି ଜନ୍ମାଷ୍ଟମୀରୁ ମାଟି ଉଠାଇବା ପ୍ରକ୍ରିୟା ଆରମ୍ଭ ହୋଇଛି । ସମସ୍ତ ରୀତିନୀତି ଅନୁଯାୟୀ କଟକର ବିଭିନ୍ନ ପୂଜା ମଣ୍ଡପ ପକ୍ଷରୁ ଆଜି ମାଟି ଉଠା କାର୍ଯ୍ୟକ୍ରମ ସମ୍ପାଦନ ହୋଇଛି ।
ମା ଦୁର୍ଗାଙ୍କ ମୂର୍ତ୍ତି ନିର୍ମାଣ ପାଇଁ ଉଠିଲା ମାଟି
ତେବେ ଆଜି ମାଟି ଉଠିବା ପରେ ପ୍ରଥମେ ମଣ୍ଡପରେ ରହିବ ଓ ଏହାପରେ 10 ରୁ 12 ଦିନ ପରେ ମାଆ ଦୁର୍ଗାଙ୍କ ମୂର୍ତ୍ତି କାମ ଆରମ୍ଭ ହେବା ନେଇ କହିଛନ୍ତି ଶେଖ ବଜାର ପୂଜା କମିଟିର ସମ୍ପାଦକ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
