କଟକ: ଲିଙ୍କରୋଡ ଓ ବାଦାମବାଡିର ରାଜରାସ୍ତାରେ ବସିବ ପରିବା ମାର୍କେଟ । ଶୁକ୍ରବାର ଠାରୁ ଛତ୍ର ବଜାରର ୩ ଶହ ରିଟେଲର୍ ବ୍ୟବସାୟୀଙ୍କୁ ଉକ୍ତ ସ୍ଥାନରେ ପରିବା ବ୍ୟବସାୟ କରିବାକୁ ନିର୍ଦ୍ଦେଶ ଦିଆଯାଇଛି । ଭିଡ ପାଇଁ ଏଭଳି ପଦକ୍ଷେପ ନିଆଯାଇଛି ।
କୋରୋନା ଲଢେଇ: ଲିଙ୍କରୋଡ ଓ ବାଦାମବାଡି ରାଜରାସ୍ତାରେ ବସିବ ପରିବା ମାର୍କେଟ
ପରିବା ବ୍ୟବସାୟ ପାଇଁ ଚିହ୍ନଟ ହୋଇଥିବା ଏହି ରାଜରାସ୍ତାରେ ଗୋଲାକୃତ କରାଯାଇଛି । ଏହି ଗୋଲାକୃତ ମଧ୍ୟରେ ରହି ଖାଉଟିମାନଙ୍କୁ ବ୍ୟବସାୟ କରିବାକୁ ନିର୍ଦ୍ଦେଶ ଦିଆଯାଇଛି । ନିଜେ କଟକ ଡିସିପି ଉକ୍ତ ଜାଗାକୁ ଚିହ୍ନଟ କରିବା ସହ ଭିଡ ଯେପରି ନହେବ ସେଥିପାଇଁ ପଦକ୍ଷେପ ନେଇଛନ୍ତି ।
ସେହିପରି କଟକ ଲିଙ୍କ ରୋଡରେ ଥିବା ମାଛ ଗୋଦାମ ସିଫ୍ଟ ଅନୁଯାୟୀ ଖୋଲିବାକୁ ପରାମର୍ଶ ଦିଆଯାଇଛି । ଆସନ୍ତାକାଲି ଠାରୁ ମାଛ ଗୋଦାମକୁ ପର୍ଯ୍ୟାୟ କ୍ରମେ ଖୋଲିବାକୁ ଗୋଦାମ ମାଲିକମାନଙ୍କୁ ପରାମର୍ଶ ଦେଇଛନ୍ତି କଟକ ଡିସିପି । ତେବେ ଉକ୍ତ ଆଇନକୁ ଉଲ୍ଲଂଘନ କଲେ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି ଡିସିପି କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
