କଟକ: ଓସିଏ ନିର୍ବାଚନ ପାଇଁ ଆରମ୍ଭ ହୋଇଛି ମତଦାନ । ଏହି କ୍ରମରେ ଏସସିବି ମେଡିକାଲରୁ ପୋଷ୍ଟାଲ ବାଲାଟ ମାଧ୍ୟମରେ ଭୋଟ ଦେଇଛନ୍ତି ଓସିଏର ପୂର୍ବତନ ସମ୍ପାଦକ ଆଶୀର୍ବାଦ ବେହେରା । ଆଶୀର୍ବାଦ ଭୋଟ ଦେବା ପରେ ଝାରପଡ଼ା ଜେଲ କର୍ମଚାରୀ ସୁନାକର ପ୍ରଧାନ ଉକ୍ତ ବକ୍ସକୁ ଓସିଏ ନିର୍ବାଚନ କମିଶନରଙ୍କୁ ହସ୍ତାନ୍ତର କରିଛନ୍ତି ।
କଡା ସୁରକ୍ଷା ବଳୟ ମଧ୍ୟରେ ଏହି ବାଲାଟ ବକ୍ସକୁ ଓସିଏ ନିର୍ବାଚନୀ କକ୍ଷ ମଧ୍ୟକୁ ଅଣାଯାଇଥିଲା । ତେବେ ଏ ପ୍ରସଙ୍ଗରେ କୌଣସି ପ୍ରତିକ୍ରିୟା ରଖିନାହାନ୍ତି ଝାରପଡା ଜେଲ କର୍ମଚାରୀ । ବର୍ତ୍ତମାନ ସୁଦ୍ଧା ଶାନ୍ତି ଶୃଙ୍ଖଳା ମଧ୍ୟରେ ଚାଲିଛି ନିର୍ବାଚନ ।
ଭିଡିଓ ସୌଜନ୍ୟ :ସମ୍ବାଦଦାତା, କଟକ
ସୂଚନାଯୋଗ୍ୟ ସିବିଆଇ ଦ୍ବାରା ଗିରଫ ହୋଇ କ୍ୟାପିଟାଲ ହସ୍ପିଟାଲରେ ଚିକିତ୍ସିତ ହେଉଥିବା ଆଶୀର୍ବାଦ ବେହେରାଙ୍କୁ ଗୁରୁବାର ଏସସିବି ଅସ୍ଥିଶଲ୍ୟ ବିଭାଗରେ ଭର୍ତ୍ତି କରାଯାଇଥିଲା।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
