କଟକ: ତୃତୀୟ ଦିନରେ ଜାତୀୟ ଆଇନ ବିଶ୍ବବିଦ୍ୟାଳୟ ବିକ୍ଷୋଭ । ବିଶ୍ବବିଦ୍ୟାଳୟର ତମାମ ଅସୁବିଧା ଓ ସମସ୍ୟାକୁ ନେଇ ପାଠ ପଢା ଛାଡି ଆନ୍ଦୋଳନ ଜାରି ରଖିଛନ୍ତି ଛାତ୍ରଛାତ୍ରୀ ।
ଭଙ୍ଗା ଛାତ୍ରୀନିବାସ କାନ୍ଥ , ଲାଇବ୍ରେରୀ ଅସୁବିଧା , ବର୍ଦ୍ଧିତ କୋର୍ସ ଫି, ହଷ୍ଟେଲ ଇତ୍ୟାଦିରେ ବ୍ୟାପକ ଅସୁବିଧା ଯୋଗୁଁ ପାଠ ଛାଡି ଆନ୍ଦୋଳନ କରୁଛନ୍ତି ଆଇନ ଛାତ୍ରଛାତ୍ରୀ । ବଡ କଥା ଯେ, ଲଗାତାର 3 ଦିନ ଧରି ଆନ୍ଦୋଳନ ଚାଲିଥିଲେ ବି ଏଯାବତ କଲେଜ କର୍ତ୍ତୃପକ୍ଷ ଏହି ମାମଲା ରେ ହସ୍ତକ୍ଷେପ କରିନଥିବା ଜଣାପଡିଛି ।
ଛାତ୍ରଛାତ୍ରୀଙ୍କ କହିବାନୁଯାୟୀ , ଲାଇବ୍ରେରୀ ଘର ନିର୍ମାଣ ଦୀର୍ଘବର୍ଷ ଧରି ଚାଲୁରହିଛି । ଯାହାଦ୍ବାରା ପଢିବା କଷ୍ଟକର ହେଉଛି । ଏଥିସହ ଛାତ୍ରୀମାନଙ୍କ ହଷ୍ଟେଲରେ କାନ୍ଥ ଭୁଷୁଡିବାକୁ ବସିଥିବା ବେଳେ ବର୍ଷା ହେଲେ ରୁମରେ ପାଣି ପଶି ଯାଉଛି । ସେହିପରି ପାଣି ଟାଙ୍କି ସଫା ହେଉନଥିବାରୁ ସେଥିରୁ ପୋକ ବାହାରୁଛନ୍ତି । ଯାହାକୁ ନେଇ ନାହିଁନଥିବା ଅସୁବିଧାର ସମ୍ମୁଖୀନ ହେବାକୁ ପଡୁଛି । ତେବେ କେବେ ଏହାର ସମାଧନ ହେବ ସେହି ଦିନକୁ ଚାହିଁ ରହିଛନ୍ତି ସମସ୍ତ ଛାତ୍ରଛାତ୍ରୀ ।
କଟକରୁ ନାରାୟଣ ସାହୁ, ଇଟିଭି ଭାରତ
