କଟକ: ପୋଲିସ ପଞ୍ଝାରେ କୁଖ୍ୟାତ ମୋବାଇଲ ଚୋର । କଟକ ବିଡାନାସୀ ଅଞ୍ଚଳର କୁଖ୍ୟାତ ମୋବାଇଲ ଚୋର ବିପୁନ ବାରିକ ଗିରଫ ହୋଇଛି । ତା' ନିକଟରୁ ଦାମୀ ମୋବାଇଲ ଓ ବିପୁଳ ଟଙ୍କା ଜବତ କରାଯିବା ସହ ଚୋରି ମାମଲାରେ କୋର୍ଟ ଚାଲାଣ କରାଯାଇଛି ।
ମୋବାଇଲ ଚୋର ବିପୁନ ଗିରଫ, 25 ମୋବାଇଲ ସହ ଟଙ୍କା ଜବତ
ସୂଚନା ଅନୁସାରେ ଗତ 10 ତାରିଖ ଦିନ ସିଡିଏ ଅଞ୍ଚଳର ସୁମନ୍ତ ପ୍ରଧାନ ନାମକ ଜଣେ ବ୍ୟକ୍ତି ତାଙ୍କ ଘରୁ 2ଟି ମୋବାଇଲ ଓ 10 ହଜାର ଟଙ୍କା ଚୋରି ହୋଇଥିବା ନେଇ ଅଭିଯୋଗ କରିଥିଲେ । ସ୍ଥାନୀୟ ଫେଜ-2 ଥାନାରେ ଏନେଇ ମାମଲା ମଧ୍ୟ ରୁଜୁ ହୋଇଥିଲା । ତେବେ ତଦନ୍ତ ଆଧାରରେ ରବିବାର ପୋଲିସ ଅଭିଯୁକ୍ତ ବିପୁନ ବାରିକକୁ ଗିରଫ କରିଛି । ଏହାସହ ତା'ଠୁ 25ଟି ମୋବାଇଲ ଓ କିଛି ଟଙ୍କା ଜବତ କରାଯାଇଛି ।
ତେବେ ବିପୁନ ନାଁରେ କଟକର ବିଭିନ୍ନ ଥାନାରେ 16ରୁ ଊର୍ଦ୍ଧ୍ବ ମାମଲା ରହିଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
