କଟକ: ମହାନଦୀରେ ଗାଧୋଇବା ହେଲା କାଳ । ନଦୀରେ ବୁଡି ଜଣେ ନାବାଳିକାଙ୍କ ମୃତ୍ୟୁ ଘଟିଛି । ବାଙ୍କି ସୁନାଦେଇ ନିକଟସ୍ଥ ମହାନଦୀରେ ଘଟିଛି ଏହି ଦୁଃଖଦ ଘଟଣା । ସୂଚନା ଅନୁଯାୟୀ ଗୋଟିଏ ପରିବାରର ୩ ଜଣ ସଦସ୍ୟ ବାପାଙ୍କ ସହ ନଦୀକୁ ଗାଧୋଇବାକୁ ଯାଇଥିଲେ ।
ମହାନଦୀରେ ବୁଡି ନାବାଳିକାଙ୍କ ମୃତ୍ୟୁ
ଦୁଇ ଭଉଣୀ ଓ ଗୋଟିଏ ଭାଇ ନଦୀରେ ଗାଧୋଉଥିବା ବେଳେ ଜଣଙ୍କର ଗୋଡ଼ ଖସି ଯାଇଥିଲା । ଜଣଙ୍କୁ ବଞ୍ଚାଇବାକୁ ଯାଇ ଅନ୍ୟ ଦୁଇ ଜଣ ନଦୀରେ ବୁଡି ଯାଇଥିଲେ । ପରେ ନଦୀରେ ମାଛ ମାରୁଥିବା କିଛି ଧୀବର ଏହାକୁ ଦେଖି ସଙ୍ଗେ ସଙ୍ଗେ ଦୁଇ ଜଣଙ୍କୁ ଉଦ୍ଧାର କରିବାରେ ସମର୍ଥ ହୋଇଥିଲେ ।
ମାତ୍ର ଅନ୍ୟଜଣେ ଭଉଣୀ ନିଖୋଜ ହୋଇଯାଇଥିଲେ । ସ୍ଥାନୀୟ ଲୋକମାନେ ଅଗ୍ନିଶମ ବିଭାଗକୁ ଖବର ଦେଇଥିଲେ । ଅଗ୍ନିଶମ ବିଭାଗ ପ୍ରାୟ ଏକ ଘଣ୍ଟା ଖୋଜାଖୋଜି କରି ନିଖୋଜ ଥିବା ଭଉଣୀକୁ ମୃତ ଭାବରେ ଉଦ୍ଧାର କରିଥିଲେ ।
କଟକରୁ ନାରାୟଣ ସାହୁ ଇଟିଭି ଭାରତ
