କଟକ: ବହୁଚର୍ଚ୍ଚିତ ଭେଡା ସାଲେପୁର ଅନ୍ନପୂର୍ଣ୍ଣା ମହାପାତ୍ର ହତ୍ୟାକାଣ୍ଡର ପର୍ଦ୍ଦାଫାସ ହୋଇଛି l ଏହି ମାମାଲାରେ ପୋଲିସ ଜଣକୁ ଗିରଫ କରିଛି । ଗିରଫ ପରେ ଅଭିଯୁକ୍ତକୁ ଘଟଣାସ୍ଥଳରେ ନେଇ ତଦନ୍ତ କରିଛି ପୋଲିସ ।
ମାହାଙ୍ଗା ଅନ୍ନପୂର୍ଣ୍ଣା ମର୍ଡର ମାମଲା , ଜଣେ ଗିରଫ
ସୂଚନାଅନୁଯାୟୀ ଗତ 17 ତାରିଖ ରାତିରେ ମାହାଙ୍ଗା ଥାନା ଭେଡା- ସାଲେପୁର ଗାଁ'ର ବିଧବା ମହିଳା ଅନ୍ନପୂର୍ଣ୍ଣା ମହାପାତ୍ରଙ୍କୁ ଘରୁ ଡ଼ାକିନେଇ ଗାଁ ପାଖ ପାଟନାଳୀ ଭିତରେ ଅତି ନୃଶଂସ ଭାବେ ତଣ୍ଟିଚିପି ହତ୍ୟା କରାଯାଇଥିଲା । ଏହା ପରେ କାଦୁଅ ପଙ୍କ ଭିତରେ ମହିଳାଙ୍କ ମୃତଦେହକୁ ଫିଙ୍ଗି ଦିଆଯାଇଥିଲା l ଏହି ଘଟଣାରେ ମୃତ ମହିଳାଙ୍କ ପୁଅ ନିଜ ମା କୁ ହତ୍ୟା କରାଯାଇଥିବା ନେଇ ଥାନାରେ ଏତଲା ଦେଇଥିଲେ l ତେବେ ହତ୍ୟାକାରୀକୁ ପୋଲିସ ଅତି ଚତୁରତାର ସହିତ ସାଲେପୁର ଥାନା ତାଳପଦା ଗାଁରୁ ଗିରଫ କରିଛି । ଗିରଫ ପରେ ଘଟଣାସ୍ଥଳରେ ଅଭିଯୁକ୍ତ ଦୈତାରୀ ସ୍ବାଇଁ ଡେମୋ ଦେଖାଇଥିଲା l
